É xa tradición no noso Seminario celebrar en torno a data de San Tomé de Aquino, patrono da educación secundaria e universitaria, un concurso de tipo cultural no que os distintos cursos poñen a proba os seus coñecementos, e do que xa adiantabamos algo na entrada anterior.
Este ano botamos en falta a presenza de D. Xan, co seu famoso. “Imos a terra de…”, pero fumos quen de dar cun digno sustituto. D. Jesús encargouso nesta edición da presentación e moderación dunha proba que tivo a Dª. Rosalía coma dama do dado, a D. Manuel Mata coma xuiz de sala e a D. José Luis Dorelle coma xuiz maior.
Por outra banda, os encargados de representar a cada curso foron: Alejandro Barbeira (1º e 2º da ESO), Julián Gandarela (3º da ESO), Liam Naismith (4º da ESO), Adrián López (1º Bacharelato) e Francisco José Sánchez (2º Bacharelato).
Foron gañadores os alumnos de 1º e 2º da ESO, seguidos, nesta orde, por 1º Bacharelato, 3º da ESO, 4º da ESO e 2º Bacharelato. Felicitamos dende aquí a todos pola súa participación, de xeito especial aos que, coas súas respostas, foron quen de facer avanzar ao seu equipo no concurso que pasará á historia coma o máis rápido dos realizados polo momento. Que non decaia!