O próximo mércores 13 de Maio, o alumnado de 2.º, 3.º, 4.º da ESO de ciencias van realizar realizar unha saída didáctica ao Parque tecnolóxico de Galicia en Ourense a asistir á Feira Científica máis importante da nosa comunidade e que versa este ano sobre ciberseguridade. Esta actividade forma parte dun traballo previo na aula, no que o alumnado investigou e reflexionou, superando retos exitosamente. Como culminación deste traballo, organizamos esta visita que lles permitirá entrar en contacto directo con contidos científicos e experiencias interactivas vinculadas á Ciberseguridade.

Queremos expresar a nosa máis sincera felicitación ao equipo de Jacobo, José e Carla de 2º da ESO do noso centro polo seu excelente traballo nos retos de ciberseguridade de Galiciencia.

O voso esforzo, dedicación e capacidade para afrontar desafíos complexos son un exemplo do talento e potencial que temos no centro no ámbito tecnolóxico. Chegar á final é xa un logro moi significativo que reflicte o voso compromiso coa aprendizaxe e a innovación.

Desexámosvos moito éxito na final e animámosvos a seguir desfrutando e desenvolvendo as vosas habilidades no apaixonante mundo da ciberseguridade.

Noraboa polo gran traballo!

Departamento de Ciencias.

O sábado 9 de Mayo, 28 xogadores/as de bádminton do Seminario Menor, competiron na fase intercomarcal do Xogade, clasificatoria para o provincial do 6 de Xuño.  As mozas conseguiron 2 títulos, 2 subcampeonatos e un terceiro posto. Os mozos non tiveron o seu día. Martina Iriarte gaña o infantil feminino, Sara e María Machado dobrete en Cadete feminino.  Carlota de casa do Neno, subcampioa perdeu 30-29 a final en Benjamin feminino. Irune terceira en Alevín feminino Clasifican para o provincial do 6 de Xuño en Serra de Outes.

Unha gran xornada para o noso Club!

A comunidade educativa do Seminario Menor, reuniuse para celebrar o acto académico de graduación do alumnado de 2º de Bacharelato da promoción 2025/2026, unha xornada chea de emoción, gratitude e lembranzas compartidas.

A celebración comezou cunha eucaristía, na que alumnado, familias, profesorado e persoal do centro participaron nun ambiente de recollemento e acción de grazas por todos os anos vividos no colexio e pola etapa que agora remata.

A continuación tivo lugar o acto académico, conducido nun ton solemne e próximo, no que se realizou a tradicional imposición de becas e insignias aos alumnos e alumnas da promoción, símbolo do esforzo, da constancia e do vínculo que sempre os unirá ao centro.

Durante o acto sucedéronse diferentes intervencións cargadas de emoción e significado. A madriña da promoción dirixiu unhas palabras de afecto e ánimo aos estudantes, destacando o valor humano do grupo e animándoos a afrontar con ilusión os novos retos que están por vir.

En representación do alumnado, varios estudantes tomaron tamén a palabra para lembrar anécdotas, agradecer o acompañamento das familias e do profesorado e expresar todo o vivido ao longo destes anos de formación e convivencia.

O titor da promoción quixo poñer en valor o crecemento persoal e académico do alumnado, mentres que o Rector pechou o acto cun discurso no que felicitou aos estudantes polo camiño percorrido e lles desexou un futuro cheo de éxitos persoais e profesionais.

A xornada concluíu cun momento moi especial: as fotografías coas familias e cos compañeiros e compañeiras, deixando para o recordo instantáneas dunha promoción que permanecerá sempre na historia do colexio.

Desde o centro queremos felicitar a todos os alumnos e alumnas de 2º de Bacharelato da promoción 2025/2026 e agradecer ás súas familias a confianza depositada durante todos estes anos.

Desexámosvos moita sorte na nova etapa que agora comeza. O colexio será sempre a vosa casa.