Un dos momentos máis importantes na vida espiritual do Seminario é o momento dos Exercicios Espirituais, ao chegar o tempo de Coresma. Trátase de dedicar por enteiro uns días a afondar na experiencia de Deus deixando de lado a rutina do día a día. Loxicamente, estes exercicios son sempre adaptados á idade dos que neles participan, e enfocados dende diversos ángulos.
No caso da comunidade de menores, este ano desprazámonos ao Santuario de Fátima, onde xa fai case cen anos, Nosa Señora apareceuse a tres pastorciños para invitalos a que o mundo retomase con forza o espírito de oración e penitencia. Percorrendo as casas dos videntes, participando nalgúns dos actos da Capelinha, traballando a título persoal na casa de retiros e compartindo a fraternidade, penso que todos voltamos para a casa cunha ilusión renovada no seguimento e entrega a Cristo. Se estes rapaciños chegaron a ser santos, por qué nós non o imos intentar?