Ben sabemos que o día propio de san Rosendo é o 1 de marzo. Non obstante, no Seminario Menor temos o costume de trasladar dita celebración ao venres máis cercano e de organizar nesa semana os actos propios da Semana Cultural. É por iso que o pasado venres tiñamos nesta institución á celebración grande do noso copatrón.
O día comezaba co Acto Académico no que mostrábamos ao noso Arcebispo un pequeño resumo de tódolos actos. Tamén aprobeitabamos para facer entrega do premio ao gañador do Concurso de Mobilgrafía: o alumno David Otero García, de 2º de Bacharelato. Pero, sen dúbida alguna, a parte máis emotiva do día foi o Recoñecemento-Homenaxe aos Formadores e Mestres que fixeron e fan posible este proxecto educativo. No nome dos propios alumnos interviñan D. Alberto Cacheda (representando ás pasadas promocións) e David Otero (representando aos alumnos actuáis do centro). Representando aos Formadores e Mestres, contábamos coa presenza de D. Juan Montero, D. Jesús Codesido, D. Aldo Daparte, D. Manuel G. Mata e Dº. Rosalía Negreira. Todos expresaron dunha forma moi emotiva o que o Seminario Menor significou e significa na súa vida de docentes. Tralas palabras do Sr. Reitor e a entrega dunha imaxe que dea testimonio deste día, pechou o acto o sr. Arcebispo apostando pola continuidade do Seminario Menor coma una peza fundamental na vida da diocese compostelana.
O mesmo Sr. Arcebispo presidiu a Celebración Solemne da Santa Misa, acompañado polo Sr. Bispo Auxiliar e un nutrido grupo de sacerdotes. Nela invitounos a tomá-lo testigo de San Rosendo coma homes de ciencia e misericordia.
Os actos oficias da xornada remataban coa comida oficial de alumnos e invitados. E dicimos da xornada porque a celebración patronal continuaba ao día seguinte co Encontro de Antigos Alumnos.
Xuntabámonos preto dun centenar de persoas na visita ás exposicións, na charla-coloquio do salón de actos, na celebración eucarística e na comida de confraternidade. Ocupou un lugar destacada a promoción do 66-73, que celebraba neste ano o L aniversario da conclusión dos seus estudios nesta casa.
Na galería de imaxes poderás atopar distintas instantáneas de ambas xornadas.