Adaptación Citerios Avaliación Grego

Materia: Grego. 

Cursos: 1º e 2º de Bacharelato. 

Consideradas as circunstancias da situación provocada pola crise sanitaria do coronavirus e atendendo as Instrucións do 27 de abril de 2020, da Dirección Xeral de Educación, Formación Profesional e Innovación Educativa para o desenvolvemento do terceiro trimestre do curso académico 2019/20, nos centros docentes da Comunidade Autónoma de Galicia, comunícanse as modificacións da programación desta materia nos apartados que afectan á avaliación dos alumnos: 

Criterios de avaliación 

A nota final na convocatoria ordinaria de xuño obterase coa media ponderada da 1a e da 2a avaliación, que terán un peso do 40% e do 60% respectivamente. 

Propoñeranse exercicios de repaso, reforzo e, se é o caso, recuperación dos contidos vistos ata a interrupción das clases. 

Os alumnos que teñan algunha avaliación suspensa poderán recuperar a materia coa entrega destas tarefas, segundo se indique particularmente en cada caso. 

Os alumnos aprobados poderán incrementar a súa nota ata un 20% respecto á media ponderada da 1a e 2a avaliación, calculada segundo se indicou máis arriba. En calquera caso, todos os traballos deberán ter calidade nos seus contidos e corrección na súa forma para que sexan considerados positivamente. 

Procedementos de avaliación: 

Traballos, exercicios e tests, especialmente os sinalados do manual e do caderno de exercicios usado como libro de traballo durante o curso. 

Información aportada polo caderno do alumno (por medio das fotos que deberá enviar polo medio telemático que teña ao seu alcance) para valorar as distintas actividades; considerarase a organización e limpeza do mesmo. 

Valoración da actitude: entrega das tarefas, puntualidade na súa entrega, atención ás observacións e recomendación que se fagan, participación, interese, etc. 

Instrumentos: 

• Exercicios escritos (completar formularios, redacción de textos sinxelos).
• Rúbricas de cada unidade didáctica.
• Rexistro do traballo semanal.

Proba extraordinaria de setembro 

A realización das actividades de recuperación propostas supoñerá o 40 % da nota. Estas actividades sinalaranse no seu momento nunha ficha personalizada para cada alumno. 

Farase unha proba escrita sobre os contidos vistos ata a interrupción das clases presenciais, que supoñerá o 60 % da nota final. 

Alumnos co materia pendente 

Aplicaranse os mesmos criterios de avaliación que para os alumnos ordinarios.