Advento, tempo de respostas.

Advento, tempo de respostas O domingo 1 de decembro de 2024 comeza o novo ano litúrxico co inicio do Advento. Este tempo litúrxico, que nos levará ata o 24 de decembro, é o anuncio da vinda do Salvador. O Advento renóvanos cada ano e introdúcenos no Nadal e no seu Misterio. O Advento, nos tempos que vivimos, faise especialmente imprescindible porque é un momento de espera e esperanza, de reflexión e de conversión, de cambio de actitudes e de vida nova. Divos visítanos e este encontro debe ser verdadeiro. Os cristiáns esperamos a súa vinda e El espera as nosas respostas. É tempo de acción. A esperanza cristiá e o noso cambio de actitudes, a conversión, debe manifestarse no día a día. O Advento é un tempo privilexiado para comezar a responder como El quere. Moitas veces estamos tan enfrascados nos problemas, nos vaivéns da vida, con tan pouco tempo para os demais e mesmo para nós mesmos, que non damos o espazo necesario á reflexión, á oración, a falar con Deus do que nos sucede ou desexamos. E como a oración é inseparable das boas obras: é tempo de actuar. É tempo de responder.