Category Archives: Noticias

Hoxe celebramos no noso centro o , unha xornada de encontro e convivencia na que participou o alumnado de Infantil e Primaria de Casa do Neno, así como o de Secundaria e Bacharelato do Seminario Menor, acompañado polas súas familias.

A celebración comezou cun momento moi especial: unha ofrenda á Virxe da Asunción, patroa do Seminario Menor, e a San Xosé, patrón de Casa do Neno, no que toda a comunidade educativa participou con respecto e ilusión.

Ao longo da xornada, non faltaron as actividades lúdicas: inchables, xogos, carreiras e diferentes propostas que fixeron gozar a pequenos e maiores. Houbo tamén tempo para compartir un agradable picnic en familia, favorecendo a convivencia e o encontro entre todos.

O bo tempo acompañou, aínda que a calor foi intensa, polo que a auga e os xogos refrescantes tiveron un papel protagonista, engadindo aínda máis diversión á xornada.

Sen dúbida, foi un día cheo de alegría, participación e momentos compartidos que reforzan os lazos da nosa comunidade educativa.

Este domingo, 24 de maio, celebramos a Solemnidade de Pentecoste cunha solemne Eucaristía presidida polo arcebispo de Santiago, Francisco José Prieto Fernández. A celebración estivo marcada por un ambiente de fe, alegría e participación da comunidade educativa.

Durante a cerimonia, un grupo de mozos e mozas recibiu o sacramento da Confirmación, entre eles varios alumnos do noso Seminario Menor, dando así un paso importante no seu camiño cristián. Na súa homilía, o arcebispo animou aos presentes a “erguer a mirada” diante dos desafíos do mundo actual, convidando especialmente aos máis novos a vivir con esperanza, compromiso e confianza no Espírito Santo.

Foi unha xornada moi especial para toda a comunidade educativa e para as familias que acompañaron aos confirmandos neste día tan significativo.

Os pasados xoves 21 e venres 22 de maio, o alumnado de 1º da ESO participou nunha enriquecedora actividade de convivencia nas localidades de Vimianzo e Muxía.

Ao longo destas dúas xornadas, o grupo tivo a oportunidade de compartir experiencias fóra da aula, fortalecendo os lazos de compañeirismo e desfrutando dun programa variado que combinou natureza, historia, lecer e tamén momentos de reflexión.

Entre as actividades realizadas destacou a camiñada pola coñecida Ruta dos Penedos, na que o alumnado puido descubrir paisaxes singulares e gozar do contacto directo coa natureza. Tamén visitaron o Castelo de Vimianzo cunha guía, onde coñeceron a súa historia e participaron nun divertido “asalto irmandiño ao castelo”, recreando un episodio histórico de forma lúdica.

O programa completouse con diversas actividades deportivas e de lecer, como o tiro con arco, que resultaron moi motivadoras. Ademais, tiveron ocasión de visitar o Mosteiro de Moraime e o Santuario da Virxe da Barca, achegándose ao importante patrimonio cultural e relixioso da zona. A estancia en Muxía permitiu tamén desfrutar do seu entorno costeiro e da beleza da Costa da Morte.

Como parte da convivencia, o alumnado participou tamén nunha vixilia de oración, que supuxo un espazo de recollimento e reflexión compartida.

Nesta actividade estiveron acompañados pola súa titora, Susana, por dous formadores e por varios profesores do centro, que contribuíron a que todo se desenvolvese nun ambiente seguro e enriquecedor.

En definitiva, esta convivencia foi unha experiencia moi positiva, na que o alumnado aprendeu, se divertiu e reforzou a convivencia nun contexto diferente ao habitual.

Ver vídeo:  🌱 Dous días para compartir, aprender e medrar xuntos.O alumnado de 1º da ESO participou no prog