Nesta primeira semana do tempo de Advento, os nosos alumnos tiveron, por grupos, un momento de oración e de reflexión entorno a Xesús presente na Eucaristía para prepararen a súa chegada no vindeiro Nadal. Nestes días de Advento e de Nadal, no Seminario Menor queremos celebrar que Cristo veu na plenitude dos tempos feito home e nacendo da Virxe María, pero tamén que El ha de vir ao final dos tempos, en gloria. Do mesmo xeito, tomamos conciencia da súa presenza continua en medio de nós. “El veu, ven, e ha de vir”. E así, unímonos a toda a Igrexa que, neste tempo de preparación para o Nadal, non deixa de suplicar, dunha estrema á outra da terra: “Ven, Señor Xesús”.
