Estimadas familias, énos grato comunicarlles que, neste curso 25-26,  a oferta deportiva lúdica-competitiva aberta a toda a comunidade escolar, pero tamén aos santiagueses que lles poida interesar, do Club Deportivo Seminario Menor para o alumnado e as familias dos centros escolares Casa do Neno e Seminario Menor. Pretendemos, deste xeito, ofrecerTrátese dunha oferta non demasiado extensa nos inicios, pero de moi alto nivel formacional, grazas aos convenios asinados coa Federación Galega de Bádminton, Diver Patín, co mestre de xadrez Xesús Feás e de Voleibol.

 

XADREZ

                 O xadrez, coñecido como o “xogo real” e rexido polo lema que reza “Gens unha sumus” (“Somos unha soa familia”), é unha disciplina que achega innumerables virtudes ao ámbito escolar, onde se converte en moito máis que un simple xogo. É un compendio de calidades que abarcan a ciencia, o deporte, a arte e as matemáticas, proporcionando aos estudantes unha experiencia educativa enriquecedora.

                 A actividade impartiraa o mestre Xesús Feás, que conta no seu palmarés con numerosos títulos a nivel nacional. Ao mesmo tempo que aprenden e perfeccionan o seu xogo, comunicaranse en moitos momentos en inglés, idioma que coñece perfectamente o docente.

 

BÁDMINTON

                 Santiago pedía a voces un club de bádminton e o convenio asinado coa Federación Galega permitiranos seguir formando aos xogadores de Santiago sen ter que emigrar a clubs fóra da cidade. Alumnos formados polo Seminario e Casa do Neno xa acadaron medallas nacionais e internacionais nesta disciplina e neste momento un deles está a disputar o Mundial sub 19 en Spokane, EEUU, representando a España.

                 Os que queiran iniciarse, tecnificar ou simplemente xogar dunha forma lúdica non competitiva, Terán grupos adaptados, compartindo espazo e xogos cos máis profesionais, formando unha gran familia.

                 Impartirán as clases adestradores nacionais, sendo o principal responsable da actividade Rodrigo Sanjurjo, actual presidente da Federación Galega. Entre os seus logros como adestrador, máis de 200 medallas en campionatos de España e tres medallas, un ouro e dous bronces, conseguidas no último Campionato de Europa sub19, polos seus xogadores.

 

Horario das Actividades Actividade Días da semana/Horas 

Badminton Luns de 18:10 a 19:30 Martes e Xoves de 17:00 a 18:00

Patinaxe Martes e xoves: de 18:00 a 18:30 / 18:30-19:00 /19:00 a 20:00/ 20:00 a 21:00

Voleibol Mércores: de 16:30 a 17:30 para Casa do Neno e de 17:30 a 19:00 para o Seminario.

Xadrez Luns de 15:20 a 16:20

 

As actividades comezarán o 1 de outubro e rematarán o 31 de maio, o xadrez impartirase no edificio do Seminario Menor, Rúa Quiroga Palacios 2A e as actividades deportivas no pavillón do Seminario Menor, entrada por Rúa Guimaraes.

Teléfono de contacto: Rodrigo Sanjurjo: 630432524. Mail: rsanjurjo@smasuncion.es