Archivos de Etiquetas: 1º ESO

Iniciamos proxecto global sobre a Ribeira Sacra

Publicada en de Publicado en: Noticias

Hai uns días iniciamos un novo proxecto cheo de sorpresas, actividades, xogos e novas aprendizaxes. No horizonte, a Semana Cultural do colexio que celebraremos a primeira semana de marzo.

O día 20, os cursos de 1º, 2º, 3º e 4º da ESO  tiveron unha xornada diferente; esperáballes un desafío inicial que os profesores plantexaron como un xogo de pistas, a través do que descubrían o tema central da Semana Cultural: A Ribeira Sacra

Aquí tedes algunhas das reflexións dos alumnos de 4º de ESO

Nicolás: “O desafío inical pareceume unha maneira boísima para aprender dunha forma máis divertida. Todas as probas parecéronme  interesantes e aprendín sobre colleitas, flora, fauna e mosteiros. Unha das probas que máis me gustou  foi a dos refráns. Gustaríame visitar a Ribeira Sacra xa que é un lugar precioso, alí hai unha excursión en barco que ten que ser impresionante. Quero ver a teoría na súa realidade.”

Ainhoa “Aprendimos moitas cousas sobre a historia do lugar, arte, música e paisaxe, traballando en equipo”

Carla : “O desafío inicial pareceume xenial e moi interesante, creo que deste xeito apréndese máis”

Yolanda Gómez

Comezamos as vacacións de Nadal

Publicada en de Publicado en: Noticias

O día 22 dabamos por finalizado o primeiro trimestre, e faciámolo coa celebración da Santa Misa e o Festival de Nadal. Nos días anteriores houbo tempo para ultimar todos os detalles e ensaiar as distintas actuacións. A xulgar polos resultados e as valoracións das familias, realmente valeu a pena.

Xa de vésperas, a comunidade dos alumnos internos xuntábase en torno a imaxe do Neno Deus para orar e festexar, despóis, coa cea de Nadal. O día seguinte, uníase toda a comunidade do Seminario en torno á Mesa do Altar para seguir dando grazas polo Misterio do Deus feito Home.

Tras compartir un chocolate e un biscoito, demos comezo ao festival, conducido por D. Tino e Andrea, alumna de 4º ESO. Os alumnos de 2º BACH foron os encargados de romper o xeo cunha impecable actuación que conseguiu elevar o ánimo de todos os presentes. Continuaron alumnos de 1º ESO, 3º ESO e 1º BACH cunha actuación conxunta. Xa chegaría o momento de actuar por clases, como cando 1º BACH interpretou o Adeste fideles con Dª. Araceli ao piano.  Jorge e Laura, alumnos de 2º ESO tamén se animaron a facer soar este instrumento, uníndose despóis toda a clase nunha actuación conxunta (baile e unha pequena sorpresa…). Tamén os de 4º ESO quixeron animar o ambiente cun dos seus bailes.

Tras varias semanas de ensaio, Dª. Yolanda apoiouse nos alumnos de 3º ESO coa axuda dos de 4º ESO para levar adiante un teatro de sombras narrando toda a historia do Nadal, dende o momento da Anunciación ata a Adoración dos Reis. Un gran traballo cargado de moita emotividade.

E chegou o ansiado momento… Coñecedes o videoclip de Merry Christmas de Ed Sheeran e Elton John? Pois repasádeo… porque quixemos facer a nosa propia versión. Un largo traballo que culminou neste día coa súa presentación. Queres visualizalo? Os alumnos xa o teñen nos seus dispositivos, tanto o resultado final coma o making of. Dilles que cho ensinen… Polo de pronto, nas redes sociais iremos colgando, ao longo do Nadal, distintos momentos desta xornada.

Isto vai collendo forma

Publicada en de Publicado en: Noticias

Co inicio do Advento, o noso Seminario vai engalanándose para prepararnos tamén exteriormente de cara o Nadal. Ao longo da primeira semana quedaban preparadas os diversos espacios comúns, tales como capelas, corredores, biblioteca, sala de estudo, portería, comedores, sala de profesores, etc. Tras as notas da 1ª avaliación tocou tamén empezar a preparar as clases e algunhas das actuacións ou actividades dos últimos días do trimestre.

Pero non nos cansamos de repetir que a verdadeira preparación debe ser sempre a interior. Conscientes de esta chamada, nas clases de Relixión e Titoría dos cursos da ESO comezamos sempre coa mesma dinámica; a partir dos personaxes do Belén intentamos coñecer aspectos nos que nos podiamos preparar. Dun xeito individual, cada día foron saíndo numerosas peticións coa mesma cantinela: Neste tempo de Advento quixera aprender de… (o anxo, os pastores, San Xosé, a Virxe, do boi e maila mula, da estrela, dos pastores, de cada un dos reis magos…) a esperar a Xesús… (con humildade, dende a constancia, sendo tamén anuncio para outros, con alegría, recoñecendo a Xesús como o meu rei, perdendo o medo…).

Fermosas as oracións que cada alumno foi escribimdo e deixando despois no berce no que dende hoxe está a imaxe do Neno Xesús. Seguro que sobre estas peticións encontrará un lugar moito máis agradable que a mellor cama dun gran palacio.

Pinchando sobre a imaxe poderás ver algo máis de esta actividade… e acudindo as nosas redes sociais poderás atopar cada día algún rincón do Seminario engalanado para o Nadal.

Como é a cultura norteamericana?

Publicada en de Publicado en: Noticias

Este luns o noso alumnado da ESO recibiu a visita de Damien, un profesor irlandés que lles introduciu, desde unha perspectiva lúdica e gamificada, distintos aspectos da cultura americana.

Así puideron coñecer que as estrelas da súa bandeira, tamén chamada “Union Jack”, representan os 50 estados do país, que as 13 raias horizontais simbolizan as 13 colonias orixinais ou que os primeiros peregrinos chegaron en 1621 no “Mayflower” para poder vivir a súa relixión sen opresións. Un ano despois celebrarían unha festa para dar grazas pola súa primeira colleita, sendo a orixe de o día de “Acción de Grazas” ou “Thanksgiving day”.

Sen dúbida unha clase amena e distinta onde os nosos alumnos e alumnas tiveron a oportunidade de potenciar a súa comprensión oral e apreciar outras culturas.

Rosana Constenla

Faládenos do voso planeta

Publicada en de Publicado en: Noticias

Con motivo do remate do 2º proxecto de 1º de ESO titulado “Crónicas marcianas”, o pasado xoves 4 de decembro celebrouse a Festa de Aprendizaxe, na que participou o alumnado do curso xunto coas súas familias.

Neste proxecto mediado polo profesorado do área de Ciencias matemáticas e tecnoloxía, coa colaboración de outros profesores (titoría, francés, educación física), os alumnos e alumnas tiñan que actuar como seres de Marte, que recibiron a misión de explorar a Terra para ver a súas posibilidades de colonización.

Para elo tiveron que ir describindo o que se atopaban na medida que chegaban a este planeta, a súa atmósfera, a presencia de auga, a composición da Terra e a súa dinámica externa, dende o punto de vista biolóxico, físico, químico e matemático.

Unha vez feita unha brilante exposición por parte dos nosos extraterrestres, tiveron que facer unha crónica que expuxeron en un “Lap book” feito en tecnoloxía, na que resumían todo o proxecto.

Tras el, os familiares tiveron a oportunidade de apreciar o traballo dos seus fillos e fillas, nos “porfolios” onde se recollía o traballo persoal ao longo de este mes, e a súa participación no mesmo, podendo dialogar cos profesores implicados.

Fernando Berridi