Archivos de Etiquetas: 3º ESO

Últimos días para solicitar a Beca

Publicada en de Publicado en: Noticias

Xa en entradas anteriores ofrecemos distinta información sobre as novas condicións e prazos para solicitar as becas de estudos correspondentes ao vindeiro curso 2022-2023.

Xa a piques de concluir o prazo de presentación de solicitudes (12 de maio), facemos un novo recordante e invitamos ás familias a revisar se poden ter posibilidades de acceder a estas bolsas de axuda que suporán un considerable alivio nun  momento de especial incertidume económica.

Non teñen máis que premer sobre a ventá correspondente nesta páxina web.

Non hai monarquía sen mulleres

Publicada en de Publicado en: Noticias

O martes disfrutamos da charla Non hai monarquía sen mulleres; a importancia dás raiñas medievais, da doutora e profesora en Historia Medieval Diana Peláez Flores.

Na charla valorouse o importante papel das raiñas na historia medieval, coma consortes, como raiñas nai, como raiñas con todo o que iso implica. Descubrimos a complementariedade como compañeiras dos reis mesmo no campo de batalla.

A profesora puxo en valor o que as raiñas medievais achegaron a nivel cultural, económico e artístico e manifestouse a importancia das figuras femininas así como a súa ausencia na historia escrita tradicional.

A conferencia permítenos estudar un novo enfoque que ilumina momentos desa historia na que a perspectiva dos estudos de xénero permiten coñecer os feitos de maneira obxectiva.

Yolanda Gómez

Peregrinación Europea de Mozos

Publicada en de Publicado en: Noticias

A semana pasada tivemos con nós a Rafa, Martín, Brais e Fran, da Delegación de Infancia e Xuventude, que se achegaron ata o Seminario para presentarnos un dos pratos fortes de este Ano Santo Compostelán: a Peregrinación Europea de Mozos.

Trátae dunha actividade que traerá a milleiros de mozos este verán ata a nosa cidade, tras percorrer os distintos camiños que chegan a Compostela, co obxeto de compartir a súa fe, durante varios días, en torno á tumba do Apóstolo.

Estes catro rapaces compartiron con nós a súa experiencia, tras rematar unha etapa fundamental da súa formación: dous acababan de aprobar o MIR e esperan incorporarse ao seu posto de traballo nos vindeiros meses e outros dous están na espera de comezar novos estudos. E mentres tanto, decidiron adicar con total disponibilidade e entrega estes meses a difundir e animar a participar neste gran encontro.

Dámoslles as grazas por achegarse ata nós. Continuaremos coa difusión e a oración polos froitos da PEJ. Seguro que varios poderemos participar coma voluntarios e disfrutar desta oportunidade.