No proxecto educativo do Seminario Menor, ademais dos contidos académicos, procúrase que os alumnos tamén vaian crecendo nos distintos aspectos da vida. E aí, onde teñen cabida as saídas culturais, os traballos en equipo, a horta, o tempo de convivencia.
E un aspecto importante é o espiritual. O ofrecemento do día a primeira hora, o rezo do Ánxelus, as distintas celebracións litúrxicas serven para ir dándonos conta da presenza de Deus na nosa vida ordinaria.
Neste tema, os seminaristas internos viven de xeito mais profundo esta dimensión relixiosa, participando na Misa, rezando as Laudes, Vésperas e Completas, tendo momentos de adoración ao Santísimo, oportunidades de confesarse, e, unha vez ao mes, unha tarde de retiro espiritual.
Este mércores foi un día de retiro. Comezabamos coa introdución do tema, que viña marcado polo Domingo da Palabra, que celebramos o domingo pasado. Ver a importancia da Palabra de Deus na vida da Igrexa e na vida de cada un, foi o punto de partida. Isto dou pé a facer a lectio divina, que como propoñía os materiais desta xornada, foi o episodio dos Discípulos de Emaús. Despois ter un largo rato de oración dirixida, paramos para coller forza para á segunda parte, que tivo lugar na igrexa das Nais Dominicas. Alí unímonos ao rezo do santo Rosario e na celebración da Eucaristía.
Unha tarde para darnos conta que Xesús segue a acompañarnos no noso camiño, que nos busca, que quere estar con nós, aínda que ás veces non nos decatamos. Pero podemos rezar con confianza: “Quédate connosco, Señor”.
Manuel J. Formoso
