Sempre é unha ledicia acoller no Seminario aos nosos pastores. Cada vez que un sacerdote se achega ata nós, sentímonos queridos e arroupados polo noso presbiterio. Podemos imaxinar que outro tanto, se cadra en maior grado, sentimos cando veñen por aquí os nosos bispos.
Na tardiña do xoves, d. Jesús visitou o Seminario Menor para celebrar a Eucaristía coa comunidade de internos e compartir a cea co equipo de formadores. Agradecemos este detalle e esperamos que se repita moitas veces esta achega ata a que é a súa casa.
Aproveitamos tamén a ocasión para felicitar a D. Julián no día do seu aniversario de ordenación episcopal. Outro tanto para d. Jesús, que tamén celebra dita efeméride ao día seguinte.