Aulas
Como non podía ser menos nun centro escolar, as aulas son os espazos que acollen durante máis tempo as tarefas do noso alumnado. Concibidos como lugares de apendizaxe, dunha forma sinxela pero efectiva, incorporan o uso das novas tecnoloxías sen descoidar os recursos de sempre.
Ao igual que o resto do edificio, dispoñen de espazo amplo e soleado que se adapta á estrutura do propio grupo de clase. Xunto a estas aulas base, existen tamén as propias de materia, tales como música, informática, tecnoloxía, laboratorios e desdobres.
Durante o proceso de construción, foron sufragadas por distintas persoas e colectivos, polo que moitas delas aínda conservan nos seus marcos o testemuño da súa orixe.