Como colofón da Semana Cultural do Seminario Menor, e co motivo da festa na honra de San Rosendo, puidemos volver a vernos ás caras distintas promocións que completaron os seus estudios nesta casa e que seguen a gardar un grato recordo dela.
A xornada comezaba cun sinxelo encontro que tivo coma escusa a visita a algunha das exposicións que estes días se poden visitar no propio centro. Á celebración da Eucaristía foi, coma non podía ser menos, o acto central dun día que concluía cunha comida de confraternidade nun dos comedores de alumnos.
Confiemos en que este tipo de encontros, a parte dos que xa existen de cada promoción, siga medrando en anos posteriores. Quedamos, polo tanto, convidados para o do ano que ven, no sábado máis próximo ao 1 de marzo. Namentres seguimos en contacto a través da páxina da Asociación de Antigos Alumnos: www.semda.es.
