O Colexio Seminario Menor da Asunción está provisto dun pequeno banco de libros formado, en primeiro lugar, polos materiais adquiridos polos alumnos a través do cheque-axuda. É necesario recordar que os libros acadados por este medio non son propiedade da familia, senon do centro, que os pon a disposición das familias que nos cursos seguintes solicitan este tipo de axuda.
En segundo lugar, existen tamén varias familias que xenerosamente donan os seus libros ao centro para axudar a outras familias con dificultades económicas (dado o custe que supón este tipo de materiais). Por iso, dende o propio Seminario invitamos a aquelas familias que xa non precisen eses materiais, a adherirse a este programa interno de axuda.
Por último, recordar tamén que quen o desexe pode mercar na propia librería do Seminario, os libros de texto do próximo curso escolar. Para iso, é recomendable facer a reserva no momento de formalizala matrícula; basta con solicitar na secretaría do centro o impreso de reserva de libros.

