Category Archives: Noticias

Inicio das clases

Publicada en de Publicado en: Noticias

Na mañá deste venres, a Consellería de Educación comunicou que pospón o inicio do curso escolar para os alumnos de Secundaria e Bacharelato.

No caso do Seminario Menor, o comezo das clases, que estaba previsto para o mércores 16, trasládase ao mércores 23 de setembro. Ese día darán comezo todos os alumnos dos distintos cursos de ESO e Bacharelato.

Nos vindeiros días, as familias recibirán a través dos seus correos electrónicos e da prataforma Educamos, información máis detallada sobre a organización do curso.

Acto académico de 2º BACH

Publicada en de Publicado en: Noticias

O curso 2019-2020 foi un curso atípico que alterou todos os nosos planes e proxectos. A principios de marzo vaciáronse as aulas coa incertidume de si poderiamos volver a elas. Soamente puideron facelo os alumnos de 2º BACH para rematar o curso e preparar as probas das ABAU.

Naquel momento propuxémonos ter o acto académico ao comenzar o novo curso, coa esperanza de que a situación mellorara. Pero, por agora, non poderá ser.

Por unha banda, non está permitida a asistencia de público a actos escolares e, por outra, tampouco nos permiten en Santiago convocar reunións que superen os dez asistentes. Quedamos, polo tanto, pendentes do primer venres no que xa non existan estas últimas restricións para facer dito acto.

Tomando rumbo…

Publicada en de Publicado en: Noticias

No ano 1984, o cura do Cebreiro, D. Elías Valiña, ideou unha sinal que axudase aos peregrinos para chegar á cidade de Santiago de Compostela e así venerar os restos do Apóstolo Santiago. A frecha amarela que xa é tan coñecida por todos nós indícanos cal é o camiño que temos que seguir, sobre todo cando nos atopamos con encrucilladas. Este sinxelo sinal xa está presente en toda persoa que quere achegarse a Cidade do Señor Santiago. Nestes anos, o Seminario Menor recorreu diversos “Camiños de Santiago” e as frechas resultaron de moita axuda para non perderse.

O claustro de profesores, durante o mes de agosto, estivo traballando con miras ao curso 2020-2021 e, entre as medidas que houbo que tomar para aplicar o Protocolo de adaptación ao contexto da Covid 19, foi o de definir os sentidos de circulación nos corredores do centro.

Axudados pola proximidade do Ano Santo Compostelán 2021, as frechas que indican o sentido de circulación nos corredores do Seminario son frechas amarelas como as que atopamos no Camiño de Santiago. Elas axudaranos a non “perdernos” para que a dirección dos alumnos e profesores sexa a mesma. Deste xeito poderemos manter mellor a distancia de seguridade cando chegamos ou cando temos que cambiar de clase ou ir ao recreo, ou movernos polo Seminario. Podemos velas pegadas no rodapé do corredor. Todos teremos que cumprir esta sinxela medida de seguridade.

Equipo Covid -19