Archivos de Etiquetas: 2º BACH
Clase no Obradoiro
A pasada semana tivemos a clase de Historia da Arte, sobre arquitectura barroca, a pé de rúa.
Que mellor lugar para explicar a fachada do Obradoiro e as características do barroco galego que na propia praza e paseando pola nosa zona vella.
O lugar privilexiado no que nos atopanos permítenos saír e ter estas clases moito máis produtivas e agradables.
Teresa Puy
Presentación da USC
Como todos os anos dentro do plan de orientación vocacional está prevista unha presentación da universidade e das probas Abau ós alumnos de 4º de ESO e de Bacharelato.
Esta semana o catedrático e profesor de Física da USC, Pablo Taboada Antelo achegouse ó centro para dialogar cos alumnos.
Con esta iniciativa preténdese achegar ó mundo universitario e aos estudos nos que eles están máis interesados. O profesor Taboada amosoulles as materias coas que se van atopar así como as súas saídas profesionais, a posibilidade de emprego , coñecer as instalacións onde se imparten as titulacións nas que están interesados, coñecer os programas de mobilidade ERASMUS , e todo o que ofrece o campus universitario de Santiago e de Lugo , actividades culturais, deportivas, residencias , etc. Agradecemos a súa disponibilidade e cercanía.
Yolanda Gómez