Archivos de Etiquetas: arte

Aproveitando a festividade e maila ponte da Ascensión na nosa cidade, a comunidade de internos do Seminario Menor pasamos uns días de convivencia por terras de Castela.

O pasado xoves, tras unha parada para xantar en Tordesillas, chegamos ata a cidade de Ávila, o noso centro de operacións. Hubo tempo durante estes días para coñecer a súa muralla, principais rúas e prazas, celebrar a Eucaristía e coñecer a súa catedral, achegarnos á figura de Santa Teresa de Jesús nos conventos da Encarnación, San José e da Santa, etc. Unha gran acollida, sen dúbida, a que nos brindaron os sacerdotes e o Seminario avulense, no que nos hospedamos,

Dende alí desprazámonos tamén a outras poblacións; a primeiro delas,  en Sotillo de la Adrada, donde as agustinas da conversión están en pleno proceso de construcción dun novo mosteiro que acolla á esta comunidade de monxas que non deixa de medrar coa chegada constante de novas vocacións. O encontro con parte da comunidade, dunha forma sinxela  e impactante, foi do máis comentado entre nós; impresiona ver a tanta xente nova, coa cal nos podíamos identificar, falarnos da súa propia vocación. A xornada do venres rematou cun baño nas piscinas naturales do Val do Tiétar.

A xornada do sábado transcurriu na Comunidade de Madrid. Polo mañá visitamos e celebramos a Eucaristía co resto de peregrinos no Cerro de los Ángeles, dende onde, fai ágora 100 anos, o rei Alfonso XIII consagraba España ao sagrado Corazón de Xesús. Tralo xantar, chegou o momento de visitar un dos monumentos máis sobrecolledores que nos podemos atorar: o mosteiro de San Lorenzo do Escorial.

Por último, a xornada do domingo non podía ser de menor intensidade que as pasadas; quedounos claro ao chegar ao mosteiro do Sagrado Corazón de Cantalapiedra, que o día anterior inauguraba un ano xubilar có gallo do centenario da súa fundación. Alí quixémonos facer presentes para acompañar a Klara, natural do Milladoiro e coñecida por moitos de nós, que ingresaba ese día na clausura das irmás clarisas. Un novo testemuño vivo de entrega a Deus a través da vida relixiosa que tamén a nós nos fai pensar… Qué querrá o Señor de min?

Podes atopar tódalas fotografías no Facebook do Seminario.