Archivos de Etiquetas: curso 2015-16

Coma ven sendo habitual, o Seminario Menor organiza a súa propia Semana das Letras Galegas en torno a festa do 17 de maio. Reproducimos a continuación os acontecementos máis representativos e invitamos dende aquí a sumarse aos distintos actos.

O venres 13, os alumnos de 3º da ESO participarán, xunto a outros centros, no Correlingia 2016, percorrendo diversas rúas de Santiago e achegándose así, dun xeito ameno e didáctico, á figura de Manuel María e a importancia da nosa lingua.

No comezo da semana, o luns 16, os distintos cursos traballarán cos profesores de Lingua ás unidades didácticas que acompañan á exposición sobre o autor homenaxeado e que a Consellería de Educación facilitou aos distintos centros de ensino.

O martes 17, aínda que non lectivo, celebraremos o Día de País. Trátase dunha xornada de confraternidade dirixida, fundamentalmente, ás familias dos alumnos internos, pero cunha serie de actos abertos a tódolos país, independentemente do réxime no que se atope o seu fillo ou de que sexa alumno. Neste sentido, convidamos especialmente á conferencia do profesor Xosé Manuel Domínguez Prieto, profesor de Filosofía e director do Instituto da Familia de Ourense. Será ás 12:00 h. e levará por título A viaxe da vida no noso fillo adolescente.

O mércores 19, ás 12:00 h., terá lugar a conferencia Galego onte, galego hoxe: retallos sociais comparativos dos usos da lingua galega na Idade Media e na actualidade, impartida polos profesores Eduardo Moscoso Mato e Xavier Varela Barreiro, da Universidade de Santiago de Compostela. A continuación, o Festival das Letras, preparado polos propios alumnos do centro.

O xoves 19 tódolos cursos participarán nunha saída cultural a vila de Padrón. Tras coller o tren, visitaremos a Casa natal de Rosalía e a Fundación Camilo José Cela, para chegares a Santiago ás 14:00 h. Dado que a chegada se produce fora do horario académico, ás familias dos alumnos externos teñen a opción de recollelos na mesma estación do tren.

Por último, o venres 20, daremos a despedida aos alumnos de 2º de Bacharelato, para os cales xa acaba oficialmente o curso. Trala celebración eucarística, teremos o acto académico ás 12:50.