Archivos de Etiquetas: curso 2019-20

Acto académico de 2º BACH

Publicada en de Publicado en: Noticias

O curso 2019-2020 foi un curso atípico que alterou todos os nosos planes e proxectos. A principios de marzo vaciáronse as aulas coa incertidume de si poderiamos volver a elas. Soamente puideron facelo os alumnos de 2º BACH para rematar o curso e preparar as probas das ABAU.

Naquel momento propuxémonos ter o acto académico ao comenzar o novo curso, coa esperanza de que a situación mellorara. Pero, por agora, non poderá ser.

Por unha banda, non está permitida a asistencia de público a actos escolares e, por outra, tampouco nos permiten en Santiago convocar reunións que superen os dez asistentes. Quedamos, polo tanto, pendentes do primer venres no que xa non existan estas últimas restricións para facer dito acto.

Horario dos exames de setembro

Publicada en de Publicado en: Noticias

HORARIO

Hora

Martes, día 1

Mércores, día 2

9 – 10’30

Lingua Galega e Lit.

Lingua Castelá e Lit.

10’30 – 10’45

Descanso

10’45 – 12’15

Matemáticas/

Matematicas Aplicadas

12’15 – 12’30

Descanso

12’30 – 14’00

Inglés 

Hª da Arte

16 – 17’30

Música
17’30 – 17’45

17’45 – 19’15

Física e Química

Calendario de Fin de Curso

Publicada en de Publicado en: Circulares

Noutras circunstancias, posiblemente nos tiveramos atopado ao longo destes días con motivo do final do curso. Segundo o calendario inicial, fai unhas semanas teriamos o Acto de Gradación dos alumnos de Bacharelato e nesta mesma mañá clausurariamos o curso cunha mención especial aos alumnos de 4º ESO. Non puido ser… Aínda así, a vida continúa e os trámites propios do final do trimestre tamén. Por iso, consideramos importante que tomen nota das seguintes datas e prazos:

  • Luns 22 de xuño: Avaliación ordinaria dos alumnos de ESO e 1º BACH. Ao longo desa tarde serán publicadas as notas a través do XADE e do Educamos, polo que lles rogamos estean atentos.
  • Martes 23 de xuño. De 9:00 a 13:00 os profesores estarán a súa disposición por se precisan comentar algunha nota[1].
  • Xoves 25 e venres 26 de xuño. De 9:00 a 13:00 poderán acudir ao centro para a devolución dos libros de préstamo[2] e recoller os materiais e pertenzas que podan ter aquí a día de hoxe.
  • 25 de xuño ao 3 de xullo. Prazo de matrícula para aqueles alumnos que teñan todo aprobado en xuño[3].

Aproveitamos tamén a ocasión para recordarlles que a Secretaría do Centro seguirá aberta para atendelos en horario de mañá ao longo de todo o período estival. No caso do profesorado, seguimos todos a súa disposición durante o mes de xuño e a partires do 3 de agosto para reforzo, consultas e resolución de dúbidas. Se ben é certo que non podemos asegurar a presencialidade doutros anos no Curso de Verán, tamén o é a nosa aposta por unha atención personalizada dos nosos alumnos.

[1] Pregamos que aquelas persoas que desexen acudir ao centro sexan respectuosas coas medidas sanitarias e as limitacións de aforo.

[2] Deberanse entregar os libros prestados polo centro ao comezo do curso e aqueles adquiridos por medio do cheque escolar.

[3] Recorden que a matrícula é o paso seguinte á reserva de praza (que é o tramite que xa fixeron nos meses pasados).

 

Preparación da ABAU

Publicada en de Publicado en: Noticias

Tras estes meses de confinamento, o Seminario Menor retomaba fai unhas semanas a actividade presencial para os alumnos de 2º de Bacharelato. Foron unhas semanas para repasar e afianzar o temario antes de coñecer as notas definitivas do curso.

O luns foi o día escollido para a avaliación ordinaria e a publicación das notas; tamén ese día aproveitaron os alumnos para facerse as fotografías pertinentes da orla escolar. Sabemos que este curso as circunstancias non son favorables para a celebración do acto de graduación e despedida, pero non renunciamos a el; Deus mediante, terá lugar no mes de setembro, acompañados xa polas familias e os compañeiros doutros cursos.

Inmediatamente despois de coñecer os resultados, este martes arrancamos coa preparación da ABAU (a antiga Selectividade). Serán tamén semanas de intenso traballo para prepararse da forma máis axeitada a unhas probas que este ano foron trasladadas ao mes de abril.

Mentres tanto, continuamos co traballo e a atención virtual nos cursos da ESO e 1º de Bacharelato. Soamente nos quedan dúas semaniñas…

Recuperando, amodiño, a normalidade

Publicada en de Publicado en: Noticias

No Seminario retomamos as clases presenciais de 2º de Bacharelato coa reincorporación de todos os nosos alumnos ás aulas. Nestes días estamos traballando a fondo para recuperar materias, completar temarios e preparar as probas da ABAU; e tamén para volver á normalidade perdida, que neste momento é moi importante. As nosas instalacións amplas permítennos traballar con comodidade e, sobre todo, con seguridade e tranquilidade. 

Organizamos as clases nun horario de mañá, onde temos unha atención personalizada por materias segundo as necesidades de cada alumno: clases máis xerais de repaso e reforzo, combinadas con titorías por materias nas que cada profesor atende as dúbidas de xeito individual.

E seguimos traballando de xeito telemático cos cursos que están na casa: as clases online, as actividades no classroom, a comunicación pola plataforma Educamos, as conexións por videoconferencia xa forman parte do noso traballo cotián. E xa pensamos en toda a utilidade que podemos sacar desta experiencia e na súa aplicación para o curso próximo. 

José Manuel Regueiro