Archivos de Etiquetas: curso 2023-2024

Aberto o prazo de solicitude de becas

Publicada en de Publicado en: Noticias

No día de hoxe, ábrese o prazo para a solicitude de bolsas de estudo do curso 2023/24. Lembramos que para solicitar as devanditas bolsas os trámites serán todos on-line:

Poderán ser beneficiarios das distintas contías os/as alumnos/as que no ano académico 23/24 cursen:

  • Bacharelato
  • Cursos de acceso e de preparación para probas de acceso á Formación Profesional e cursos de formación específicos para acceso a ciclos formativos de grao medio e superior, impartidos en centros públicos e privados concertados
  • Formación Profesional de grao medio e de grao superior
  • Ensinanzas artísticas: profesionais e superiores
  • Ensinanzas de idiomas en Escolas Oficiais, incluída a modalidade a distancia
  • Ensinanzas deportivas
  • Estudos relixiosos superiores
  • Formación Profesional de Grao Básico

Prazos: do27 de marzo ao 17 de maio de 2023

Para acceder a máis información e poder iniciar os trámites, pinche sobre a imaxe.

Reunión con pais de Primaria

Publicada en de Publicado en: Noticias

O venres día 11 ás 15 horas tivemos unha reunión coas familias de Sexto de Primaria do Colexio Casa do Neno. Coñecer o proxecto educativo, os elementos de continuidade e resolver as dúbidas, foi o obxectivo da mesma.

Tamén tiveron ocasión de visitar algunha das instalacións nas que se desenvolve a vida académica de Secundaria.

A Comisión Pedagóxica formada por profesores de Primaria e Secundaria segue traballando para facer o cambio de etapa unha ocasión de crecemento para o alumnado. #XuntosEnCamiño

Avanzando nun proxecto de futuro

Publicada en de Publicado en: Noticias

As persoas que nos seguen de preto xa saben que, dende fai tempo, os colexios diocesanos Casa do Neno e Seminario Menor A Asunción vimos dando pasos para ir pouco a pouco procurando puntos de encontro, para ir avanzando cara un proxecto educativo conxunto, no que a diocese de Santiago poda ofertar un proxecto educativo completo, innovador e que dea resposta ás necesidades das familias e da sociedade do século XXI. 

Somos dous centros irmáns, que percorreron camiños distintos, por separado, e que agora queremos unir forzas e potenciar unha oferta para a nosa contorna un proxecto educativo sólido, que abrangue todas as etapas educativas non universitarias.   

O proceso leva xa tempo en marcha, pero agora acelera o paso coa posta en funcionamento dunha comisión pedagóxica, formada por profesores dos dous centros, para ir unificando todos os procesos educativos cotiáns (organización de espazos, metodoloxía de traballo por proxectos, ferramentas dixitais para usar no proceso educativo, proxectos pedagóxicos, planificación de actividades conxuntas, formación en común do profesorado, …).

Desta primeira reunión sairá xa a oferta educativa concreta de secundaria para os alumnos que este curso rematan a súa etapa en primaria, que pronto se presentará ás familias interesadas. 

Os retos están aí diante. O camiño está aberto. Agora toca percorrelo, sentíndonos #XuntosEnCamiño

Alberto Recarey