Coma ven sendo tradicional no noso centro, co inicio do mes de agosto tamén dou comezo o Curso de Verán, no cal un grupo de rapaces e rapazas se atopan reforzando materias e preparándose para os exames de setembro.
Ao longo destes días haberá tempo para as clases e os estudos, pero tamén para as actividades de lecer. De feito, xa onte, aproveitando a tregua do tempo, puideron desfrutar dun par de horiñas nas piscinas do Sar.
Pero non son as únicas actividades do mes de agosto no Seminario Menor. Xunto as obras que realizamos sempre no período de verán e a acollida de peregrinos que pernoctan no noso albergue, os profesores aproveitarán estes días para contactar coas familias e ir pechando todos os detalles do vindeiro curso.