Archivos de Etiquetas: libros
Este fin de semana agardámoste
Libros e natureza
E seguimos con actividades nas que o libro e a lectura son os protagonistas.
Saímos á natureza para gozar das obras de Xulio Verne. Un por un imos lendo en voz alta algúns capítulos. Sentimos a suave brisa e os raios de sol que anticipan un verán cálido no que a lectura debe estar presente.
Porque os libros son unha forma máis de saír de vacacións, viaxar a lugares descoñecidos, coñecer personaxes entrañables cos que conectar e vivir a súa historia.
Yolanda Gómez
A volta ao mundo en 80 días
El viernes nos adelantamos a la celebración del Día del Libro, y lo hicimos de un modo especial; el Grupo de Teatro del Seminario Menor representó La vuelta al mundo en 80 días.
Gracias a la famosa obra de Julio Verne, pudimos viajar a Europa, a la India, a China, al Oeste americano…
Era un estreno muy especial, porque la gran mayoría eran actores nóveles con mucha ilusión y muchos nervios, que lo han hecho muy bien. Seguirán ensayando, pues volverán a representarla en próximas fechas, una para escolares y otra, con carácter solidario, para todos los que quieran acercarse y disfrutar de esta maravillosa obra.
Yolanda Gómez
Tocar os libros
Libro Do lat. libru(m) Subst. masc.
1. Conxunto de follas escritas ou impresas, cosidas ou pegadas entre si e encadernadas. 2. Obra impresa científica ou literaria ou sobre outras materias. 3. Parte principal en que se divide unha obra ou un texto extenso.
Como hoxe celebramos o santo do libro, tomo prestado o título desta entrada dun artigo de Alberto Manguel, que descubriu a paixón pola lectura e a literatura de moi novo, con catorce ou quince anos, cando traballaba nunha libraría de Buenos Aires, onde coñeceu a Borges, cliente habitual do establecemento. O escritor, xa case completamente cego, contratouno para que o rapaz lle fose ler polas tardes á súa casa os libros que el xa non podía ver e sen os que non podía vivir.
Aproveitando título, autor e anécdota, quero facervos un convite triplo:
Primeiro. Aínda que calquera día é bo, esta é a data oportuna para achegarse a unha libraría e perder tranquilamente o tempo esculcando polos estantes e polas mesas. Achegarse a un volume, collelo, tocalo, acariñar a cuberta, abrilo para apalpar o papel, ulir entre as súas páxinas e ler algunhas liñas ao corricán son praceres exquisitos e refinados. É a ocasión tamén de ver os vellos amigos (hoxe Cervantes e Shakespeare, por suposto), aos que quizais hai tempo que non visitamos, ou de facer amizades novas, das que non podo dicir nomes porque aínda non as coñecemos.
Segundo. Neste punto xa teremos recompostos algúns tratos perdidos e, feitas as presentacións dos recentemente coñecidos, xa poderemos intuír novas relacións, das que o tempo dirá se son necesarias, perigosas, convenientes ou de comenencia. Este é tamén o momento de compartir cos queridos os novos encontros, de facerlles parte dos nosos descubrimentos e de saber dos seus, de intercambiar opinións e valoracións, nun tempo e nun espazo que ben pode ser o do aperitivo, ao redor dun zume, fermentado ou non, segundo a idade e as apetencias de cadaquén.
Terceiro. Con todo o anterior, achegádevos polas páxinas de “Xente lendo”, o noso blog de lectura, e dicídenos se coñecestes alguén, contádenos que tal vos foi e presentádenolo. Non tedes perda no camiño, podedes entrar pola pestana aquí veciña.
Boa lectura!
José Manuel L. Regueiro