Os corredores do Seminario recuaron máis de dous mil anos no tempo.
Hoxe o alumnado de 1º de ESO comezou un ambicioso proxecto interdisciplinario titulado “O legado de Augusto”. O obxectivo non é só estudar a Roma Antiga e a súa repercusión en Hispania como un capítulo pechado nos libros de texto, senón entender como aquela civilización segue latexando na nosa lingua, na nosa historia e na nosa forma de ver o mundo.
O proxecto fuxe das clases maxistrais illadas para crear unha experiencia de aprendizaxe circular, onde se entrelazan materias claves como Historia e Linguas. Acompañados polo profesorado destas áreas, os estudantes recibiron a súa primeira misión. Non se trata de estudar a Roma clásica de xeito pasivo; nesta ocasión, os alumnos deben resolver unha serie de probas e retos de enxeño para “recuperar”; fragmentos da historia que o paso dos séculos tratou de borrar.
A emoción era palpable no ambiente mentres se formaban os equipos de investigación. A avaliación non dependerá só dun exame, senón do éxito en desafíos semanais: dende a tradución de inscricións “perdidas” ata a recreación de debates no Senado sobre a cidadanía ou a cultura.
Benvidos a esta nova ensinanza. ALEA IACTA EST.
