“Fálase nestes días de que o Nadal será diferente, referíndose aos engadidos que se foron adherindo ao que realmente é o misterio que celebramos. Quizais, o gozo do nacemento do Fillo de Deus feito home quedou diluído nos aspectos materiais”. Con estas palabras, pedíanos o noso Arcebispo na Carta Pastoral do Advento que non esqueceramos o motivo principal dio Nadal.
Por iso, ao comezo do tempo litúrxico do Advento, o Seminario organizou unha liturxia da Palabra para decatarnos do que imos a celebrar. En tres quendas -1º e 2º de ESO; 3º e 4 de ESO; e 1º e 2º de BAC-, acompañados polos profesores, os alumnos escoitaron que estamos chamados a celebrar de xeito cristián as festas do Nadal. Para iso, e tamén necesario prepararse para que non os collan desprevidos. Hai tempo para todo no Nadal e, ten que haber tempo tamén para Deus, feito home en Belén.
A pesar de seguir vivindo en pandemia, temos razóns para a esperanza e cada un de nós ten a obriga de sementala. Deus non os esquece. Por iso no Advento redescubrimos o amor, a ledicia, a solidariedade, a proximidade aos necesitados.
Vivamos espertos este tempo de Advento para vivir un Nadal verdadeiro.
M. Jesús Formoso