O Seminario Menor retoma de novo a súa actividade con escolares, familias, profesores e amigos da nosa institución a través da Peregrinaxe ata a tumba do Apóstolo.
Tras percorrer nestes últimos anos o Camiño Portugués, Francés, Inglés e Vía da Prata, este curso embarcámonos na aventura de chegar ata Santiago pola costa, dende Fisterra. Cun itinerario adaptado, o sábado 2 percorreremos a pé o tramo comprendido entre as localidades de Carnota e Muros de San Pedro.
Coma ven sendo habitual, citarémonos ás 8:00 h. no Seminario Menor para voltar cara a noitiña, tras celebrar a Eucaristía na vila muradana.