Category Archives: Noticias

Quizáis esteamos a falar dun título moi ambicioso. Por una banda, a educación á que nos referimos é somentes aquela de tipo académico; e a orixe debería máis ben de ser sustituída polas últimas etapas. En todo caso, o certo é que os alumnos de 1º e 2º da ESO do noso Seminario tiveron este mércores a oportunidade de adentrarse neste tema percorrendo as diversas salas que compoñen o Museo Pedagóxico de Galicia.

Acompañados por D. Manuel Mata, Dª. Yolanda e Dª. Begoña, coñeceron de primeira man como foi evolucionando a educación na escola ao longo do século XX. Dende as escolas unitarias que todavía perviven nalgúns lugares da nosa terra, á escola actual, pasando polos anos da República ou da Posguerra, coas distintas leis de educación, os xogos tradicionais e os máis modernos, o material escolar, etc.

Na galería de imaxes poderás atopar diversas instantáneas desta visita.

Os cursos van pasando case sen darnos en conta e, en menos dun ano, moitos dos alumnos que chegaban a esta casa sendo uns rapaces pequenos darán o paso aos estudos universitarios. Tendo isto presente, e aproveitándoo como una actividade máis a hora de coñecer a nosa Historia e maila nosa Arte, os alumnos de 2º de Bacharelato tiveron a oportunidade de coñecer o valor patrimonial da Universidade da Santiago de Compostela.

Neste roteiro, no que estiveron acompañados por D. José Luis e Dª. Yolanda, achegáronse ata o Pazo de San Xerome e o seu Salón Nobre, a Biblioteca Xeral de Fonseca, a Biblioteca América e mailo Paraninfo da Universidade sito na Facultade de Xeografía e Historia. Tamén houbo tempo para percorrer as cubertas dalgúns dos edificios máis significativos da Universidade e contemplar as súas vistas.

Na sección de fotos, coma sempre, tes una ampla colección das imaxes deste día.