Membros do claustro docente do noso Seminario Menor asistiron hoxe, a unha das sesións das tradicionais Conferencias de Primavera organizadas polo Instituto Teológico Compostelano, que nesta edición levan por título “Deseñar novos mapas de esperanza”.
A conferencia correu a cargo de Fernando González Alonso, decano da Facultade de Educación da Universidad Pontificia de Salamanca, quen ofreceu a ponencia titulada “A migración e a interculturalidade na educación”. A súa intervención destacou pola actualidade e relevancia do tema, afondando nos retos e oportunidades que a diversidade cultural presenta no ámbito educativo.
A xornada resultou especialmente enriquecedora, ofrecendo claves para comprender mellor a realidade social contemporánea e para promover unha educación máis inclusiva e aberta. Desde o noso centro valoramos moi positivamente a participación do noso profesorado neste tipo de encontros, que fortalecen a súa formación e repercuten directamente na calidade do noso proxecto educativo.
Mañá mércores 6 de maio será a quenda de José Fernando Juan Santos, membro do Equipo de Evanxelización da Rede de Colexios Marianistas de España, quen impartirá a conferencia “Educar desde dentro: interioridade, sentido e experiencia na pedagoxía contemporánea”, centrada na dimensión interior do proceso educativo.
