A Consellería de Sanidade, o SERGAS e o Colexio Oficial de Farmacéuticos de A Coruña veñen de organizar un cribado masivo para a detención da incidencia da COVID 19 entre os adolescentes. Con tal motivo, a partir do luns 19 de abril, comezará un programa para a detección de SARS-CoV-2 con mostra de saliva en poboación asintomática de 12 a 17 anos.
Dende o centro agradecemos esta iniciativa e solicitamos a súa colaboración para facer ditas probas e conter o avance do virus. O procedemento é moi sinxelo; soamente deben dirixirse á súa farmacia de referencia, onde lles informarán sobre o procedemento de toma de mostra e lles proporcionarán o tubo de recollida.
Trátase dunha campaña de detección de poboación asintomática, polo que se unha persoa ten síntomas compatibles deberá contactar co seu centro de saúde.