Dende o Seminario Maior organízanse tódolos anos un par de encontros para aqueles mozos que se están plantexando a vocación sacerdotal. Dado que, precisamente, o fomento e coidado destas vocacións é a razón de ser da nosa institución, non podemos menos que unirnos a través da nosa oración polos seus froitos. Tamén por medio da participación de aqueles alumnos que se atopan nos últimos cursos e a difusión desta actividade entre todos aqueles que nos sentimos preocupados por esta realidade.
Será durante esta fin de semana; en concreto, dende a tardiña do venres, rematando trala comida do sábado.
Sigamos pregando para que Deus bendiga os nosos fogares e as nosas parroquias con abundantes vocacións e para que os nosos corazóns estén sempre dispostos a seguilo a onde nos chame.