Fai uns días, os alumnos de 4º de ESO e 2º Bacharelato asistiron á representación teatral da obra Illas desertas.
Trátase dunha obra que se vale das experiencias e reflexións de dous dos grandes fracasos da historia: a aventura da aviadora Amelia Earhart e da expedición do explorador Ernest Shackleton.
Un home comeza unha expedición cara a Antártida. Unha muller comeza unha volta o mundo en avión. O motivo? Necesitan seguir os seus soños, as súas paixóns, superar os seus medos e curiosidades.
A obra fai unha profunda análise de por que vivimos, en que consiste a vida e por que morremos.
Artes Cía embarca ó espectador nesta aventura, con interrogantes, incerteza, entusiasmo e paixón.
Yolanda Gómez