Hoxe deron comezo cun gran despregamento de medios os Proxectos para o 3º Trimestre co Desafío Inicial. No ámbito sociolingüístico 1º de ESO: Roma, e no ámbito científico 2º e 3º de ESO: Para que serve a estatística?
O alumnado de 1º de ESO entrou na aula cruzando baixo o Arco de Tito, para asistir a unha sesión do Senado romano. O alumnado de secundaria e bacharelato asistiron a unha charla do Programa A Ponte da USC: “Data Science: estatística e matemáticas para a sociedade da información”, impartida polo profesor Manuel Febreiro Bande.
