Archivos de Etiquetas: alumnos

Fin de etapa para os alumnos de 4º ESO

Publicada en de Publicado en: Noticias

O curso 2017-2018 toca ao seu fin, se ben é certo que para os alumnos do centro todavía quedan varios anos de estudo por diante. Para os de 2º Bacharelato serán os estudos universitarios e outras ensinanzas superiores; para os de 4º ESO serán os estudos de Bacharelato ou dalgún grao medio. Nambos casos trátase, polo tanto, da fin dunha etapa fundamental na súa formación.

Conscientes de todo isto, no Acto académico de fin de curso quixemos que, ao igual que en cursos pasados, 4º da ESO xogara un papel especial. Deixámosvos, a continuación, un enlace recordando o seu paso polo centro e convidámosvos a estar atentos nos próximos días para ver outras entradas deste acto a través deste medio.

Vídeo 4º ESO 2017-2018

Calendario de Fin de Curso

Publicada en de Publicado en: Noticias

O curso académico chega ao seu fin, se ben é certo que algúns terán que participar todavía na convocatoria de setembro.

Conscientes das variacións de horarios en función das diversas actividades deste días, deixamos a continuación a información máis destacada:

Mércores 20. Os alumnos de 3º ESO e mailos representantes do Concurse de S. Tomé, pasarán a xornada no Acuaparck de Cerceda. Terán clase as dúas primeiras horas e sairán a partires das 10:40. É necesario que leven toalla, roupa para cambiarse e protección solar. O Seminario encargarase de facilitarlles a comida. Hora apróximada de regreso: 19:30 h.

Xoves 21. Haberá clase ordinaria e últimas recuperacións durante as primeiras horas. Ás 11:30 daremos grazas a Deus polo curso que remata coa celebración da Eucaristía. A continuación, Acto Académico de Fin de Curso, con especial protagonismo dos alumnos de 4º ESO. Os actos rematan despóis do xantar, non habendo clase pola tarde.

Venres 22. Sesión ordinaria de avaliación.

Luns 25. Entrega de notas e atención a pais. Será entre as 10:00 e as 13:30 h. Se alguna familia non pode facerse presente, debe avisar previamente ao titor correspondente. Ese mesmo día ábrese a matrícula do curso que ven para aqueles que teñan aprobadas tódalas materias e non deben volver a examinarse en setembro.

Xoves 28. Cursiño de ingreso para novos alumnos a partires das 10:00 h.

Calendario 2º BACH

Publicada en de Publicado en: Noticias

O curso de 2º Bacharelato, polas súas particularidades, ten o seu calendario propio.

O pasado venres celebrabamos coas familias a Eucaristía de Acción de Gracias por estes anos e tiñamos un sinxelo pero sentido Acto Académico. Agora toca a avaliación final e a entrega de notas e reclamacións a partires das 18:00 h. deste martes 22.

Aqueles alumnos que teñan superado tódalas materias poderán facer a prematrícula das ABAU os días 24 e 25 de maio, na secretaría do Seminario.

As probas da popularmente coñecida coma Selectividade terán lugar entre os días 12 e 14 de xuño.

Coma tódolos anos, o centro ofrece a posibilidade de acompañar aos alumnos nesta última e intensiva preparación a través dun plan personalizado de atención e repaso, a concertar có profesorado durante as dúas semanas que transcorren entre a prematrícula e as ABAU.

Semana das Letras

Publicada en de Publicado en: Noticias

Co gallo do Día das Letras Galegas, adicado este ano a Mª Victoria Moreno, o Seminario Menor acolle unha serie de actividades dirixidas, principalmente, ao alumnado, pero nas que tamén poden participar as familias. Pasamos a sinalalas a continuación.

Exposición sobre a Figura e obra de Mª. Victoria Moreno e de Poesía destructiva, organizada polos Departamentos de E. Plástica e V. e de Lingua e Literatura Galega. Pódese visitar durante toda a semana no Claustro do Cardeal.

Conferencia sobre Mª. Victoria a cargo de D. Xavier Senín, exdirector xeral do Libro da Xunta de Galicia e antigo alumno do noso centro. Será no salón de actos, a partires das 10:00 h. do martes.

Andaina e visita da Exposición sobre fondos de ABANCA e Afundación, na Cidade da Cultura. Dita actividade terá lugar nas horas centrais da mañá do mércores.

O xoves, Día das Letras, algúns dos nosos alumnos participarán xunto a varios centos de escolares na Carreira das Letras organizada na Cidade da Cultura. Será tamén a Xornada das familias de internos, con diversos actos que darán comezo ás 11:00 h. e culminarán coa celebración da Santa Misa e o Xantar de confraternidade.

Por último, o venres 18 de maio despediremos aos alumnos de 2º de Bacharelato. Farémolo coa Celebración Eucarística de acción de grazas na que tódolos alumnos e familias nos xuntaremos a partir das 11:30 h. Tras un breve descanso, o Acto Académico dará comezo ás 12:50 h.

Esperamos a vosa participación!!!!