Archivos de Etiquetas: caridad

Última oportunidade!! Non a deixes pasar!!!

Publicada en de Publicado en: Noticias

Tras o éxito alcanzado durante a semana pasada, o Seminario Menor da Asunción disponse a realizar unha nova representación da obra Dez Negriños, de Ágatha Christie.

Responde así a solicitude feita dende SCQ Erasmus para achegar a estudantes doutros países parte da cultura realizada na nosa terra. Nestes momentos xa hai confirmados máis de 100 universitarios, pero aínda quedan prazas a disposición do público ata completar aforo.

Será un pase totalmente gratuito se ben, ao igual que na Representación Solidaria, aportarase coma entrada un quilo de alimentos para axudar desta forma aos colectivos máis desfavorecidos.

Dez Negriños é a obra máis lida de Ágatha Christie, con máis de 100 millóns de copias vendidas. Dez persoas sen relación algunha entre si son reunidas nun misterioso illote da costa inglesa por un tal Sr. Owen. Tras a primeira cea, e sen ter coñecido ao seu anfitrión, os dez comensais son acusados mediante unha gravación de cometer distintos crimes no seu pasado. Un por un serán asasinados sen explicación nin motivo aparente. Soamente unha vella canción infantil parece encerrar o misterio dun crecente sono de terror.

Campaña de Recollida de alimentos

Publicada en de Publicado en: Noticias

O Nadal é un tempo que tende a sacar de nós os mellores sentimentos; un tempo no que podemos deternos un poquiño máis e valorar o que nos rodea cada día, coma é a familia e a xente que nos quere. Pero tamén debe ser un tempo para recoñecer a presenza de tantas persoas que pasan por dificultades e que corren o risco de non disfrutar destas datas coma moitos de nós poderemos facelo.

Por esa razón, dende fai xa varios anos, o Seminario Menor organiza unha campaña de recollida de alimentos para entregar nestas datas a esas familias ou a institucións que coordinan esta laboura e precisan da nosa axuda.

Invitamos dende aquí ás familias dos nosos alumnos a colaborar nesta campaña na medida das súas posibilidades. Durante estes días recolleremos alimentos non perecederos e productos básicos de hixiene para entregar no primeiro día das vacacións de Nadal. Seamos xenerosos e non nos cansemos de dar grazas a Deus polo que temos cada día.

Cea solidaria

Publicada en de Publicado en: Noticias

No contexto dos actos da festa de San Martiño de Tours e co gallo da Xornada das Persoas sen Fogar, o Seminario Maior da nosa diocese ven de organizar unha nova edición da Cea Solidaria.

Trátase dunha sinxela cea na que cada comensal aporta 15 euros para que Cáritas diocesana continúe na súa tarefa de coidar e proporcionar recursos ás persoas que se atopan nesta situación. Ademáis, son moitos os comercios e institucións que aportan agasallos que son sorteados durante a velada entre aqueles que desexen mercar as rifas e contribuir tamén, co seu gasto, ao mesmo fin.

Dende o Seminario Menor sempre nos animamos a participar un bo grupiño de profesores, persoal e familias. Dado que as prazas son moitas, pero limitadas, recomendamos anotarse canto antes no seguinte correo: santiromero@smasuncion.es

Semana do DOMUND

Publicada en de Publicado en: Noticias

A xornada do DOMUND céntrase, fundamentalmente, na celebración do DOMingo MUNDial de Oración polas Misións. Nembargantes, e neste contexto do Mes Misioneiro Extraordinario convocado polo Papa Francisco, o Seminario Menor quere adicar unha semana a profundizar na principal Misión da Igrexa, que é o anuncio do Evanxeo, con palabras e con feitos. E iso, dende unha triple perspectiva:

– O coñecemento da realidade e do traballo dos misioneiros, a través dunha sinxela exposición nos pasillos do Seminario, a visualización cada día dun testeñuño sobre a vida destas persoas e o encontro persoal con un deles, neste caso co Pai Juan Antonio (misioneiro comboniano).

– A oración confiada polo froito deste anuncio, tanto na celebración da Eucaristía coma na oración de cada clase.

– A axuda prestada mediante a nosa aportación económica nos coñecidos sobres do DOMUND que estamos a recoller nestes días.

Realmente, e levamos dúas xornadas, estamos maravillados coa ilusión, esforzo, confianza e traballo destas persoas nun contexto realmente heroico. Seguiremos afondando!!!!