O pasado 23 de outubro a Igrexa celebraba o Domingo Mundial de Oración polas Misións (DOMUND) co triple obxetivo de dar a coñecer esta realidade evanxelizadora e solicitar o noso compromido con esta realidade a través da oración e da nosa aportación económica.
Con tal motivo, adicamos a semana a coñecer cada día a testemuña de distintos misioneiros (sacerdotes, relixiosos e relixiosas, leigos e familias) que nos distintos continentes fan o posible por anunciar o Evanxeo con palabras e obras. Penso que todos quedamos impresionados do seu compromiso e que algo se nos removeu por dentro…
Tamén a nosa oración desa semana iba nesa dirección: pedir por eles e pedir con eles, para que Deus siga sendo a súa forza e a súa alegría. Ao fin e ao cabo, non se poden explicar doutro xeito estas dúas características nunhas circunstancias que parecen invitar ao contrario.
E vese que a cousa non debeu de ir tan mal, posto que os que quixeron e puideron tamén colaborar coa súa aportación económica, xuntaron a nada desprezable cantidade de 1.049’65 euros, rompendo así todos os límites dos anos anteriores. Noraboa a quenes o fixeron posible!