Na festa de San Martiño de Tours, titular do edificio que alberga o Seminario Maior da Diocese, facíase público o nomeamento de cinco novos coengos que a partir de agora compatibilizarán as súas tarefas ordinarias coa atención da Catedral Compostelana.
Dende aquí querémonos unir en acción de grazas e manifestar a nosa alegría por estes nomeamentos que son tan cercanos e significativos para o Seminario Menor.
En primeiro lugar, o nomeamento de D. Manuel Ferreiro, en canto Reitor desta institución, supón un recoñecemento non soamente ao cargo que ven desempeñando, senón a toda unha vida de entrega á Diocese no servicio aos seminarios e a pastoral vocacional.
Como non, manifestar tamén os mesmos sentimientos de gozo e gratitude no caso de D. M. Jesús Formoso, Director Espiritual do Seminario e que, xunto á súa designación como coengo e membro de Cabildo catedralicio, ven de ser nomeado Moderador da Curia Diocesana.
D. Carlos Álvarez, Reitor do Seminario Maior e Delegado de Pastoral Vocacional, foi durante varios anos formador en Belvís. Dende entón, á súa presenza e cercanía é unha constante con nós, ao igual que ocurre no caso de D. Víctor Suárez, con quen temos ocasión de compartir todas as semanas. Por último, D. Francisco Buide non é tampoco alguén axeno á historia do Seminario, xa que a súa nai impartíu docencia durante varios cursos nas aulas do Seminario Menor.
Parabéns por este novo encargo! Sabemos que a súa entrega á atención de todos os diocesanos e peregrinos dende o templo catedralicio e as institución que de el dependen redundará en beneficio de todos.
E parabéns ao noso Seminario Menor! Pois sentímonos honrados e recoñecidos nas súas persoas e na labor que realizan. Sabemos que realmente sienten esta institución como a sá casa e a súa familia.
