Archivos de Etiquetas: Escuelas que aprenden

Celebración da Aprendizaxe

Publicada en de Publicado en: Noticias

O pasado xoves tivemos unha nova Celebración da Aprendizaxe, na que as familias achegáronse ata o Centro para coñecer o progreso dos nosos estudos.

Nesta ocasión foi unha celebración distinta, posto que o noso proxecto foi tamén plantexado dun xeito diferente. Non traballamos cada curso unha temática distinta, senon que todos os cursos da ESO nos propuxemos coñecer, dende distintos ángulos, a Ribeira Sacra.

Seguindo as rutinas e metodoloxías propias de Trilema, abordamos a Ribeira Sacra sabendo que é unha terra onde… as pedras gardan mil segredos… o románico acompaña cada paso… o Miño leva a fama, pero o Sil a auga… a inspiración é atopada polos que a buscan… os heroes son os homes que a traballan… a tradición inunda o ambiente… o viño debuxa a paisaxe… E descubrimos un mundo apaixoante que nos abriu novos horizontes.

As familias foron quen de coñecer todo o noso traballo sobre os mosteiros, o ciclo do viño, a alfarería, os autores e o léxico da Ribeira Sacra, o románico, as xeometrías, a economía, o turismo, as lendas e historia, e un largo etcétera de distintas propostas nas que os alumnos se esmeraron por facer unha auténtica posta en escena.

Pinchando sobre a imaxe poderás atopar distintos momentos desta xornada.

Iniciamos proxecto global sobre a Ribeira Sacra

Publicada en de Publicado en: Noticias

Hai uns días iniciamos un novo proxecto cheo de sorpresas, actividades, xogos e novas aprendizaxes. No horizonte, a Semana Cultural do colexio que celebraremos a primeira semana de marzo.

O día 20, os cursos de 1º, 2º, 3º e 4º da ESO  tiveron unha xornada diferente; esperáballes un desafío inicial que os profesores plantexaron como un xogo de pistas, a través do que descubrían o tema central da Semana Cultural: A Ribeira Sacra

Aquí tedes algunhas das reflexións dos alumnos de 4º de ESO

Nicolás: “O desafío inical pareceume unha maneira boísima para aprender dunha forma máis divertida. Todas as probas parecéronme  interesantes e aprendín sobre colleitas, flora, fauna e mosteiros. Unha das probas que máis me gustou  foi a dos refráns. Gustaríame visitar a Ribeira Sacra xa que é un lugar precioso, alí hai unha excursión en barco que ten que ser impresionante. Quero ver a teoría na súa realidade.”

Ainhoa “Aprendimos moitas cousas sobre a historia do lugar, arte, música e paisaxe, traballando en equipo”

Carla : “O desafío inicial pareceume xenial e moi interesante, creo que deste xeito apréndese máis”

Yolanda Gómez

Tecendo a historia

Publicada en de Publicado en: Noticias

Hai mes e medio comezaba en 2º da ESO o proxecto interdisciplinar Tecendo a historia, coa Idade Media como tema central. Se o inicio sempre é un “desafío”, o final é sempre unha celebración, unha “Festa da aprendizaxe”, posiblemente do mellor que un pode celebrar na vida.  E que foi o que aprenderon os nosos alumnos ao longo deste proxecto?

Por unha banda, na materia de historia, cómo era a sociedade nesa altura, qué era o feudalismo, as relacións de vasalaxe, quen eran os irmandiños…

No que atinxe á literatura, souberon de lendas moi ligadas á nosa cultura como as da raíña Lupa ou o Santo Graal e da poesía da época (cantigas de amigo, amor ou escarnio e maldicir, Cantar del Mío Cid…). Ligada á poesía, como non, tamén a música medieval (instrumentos, notación…). Ademais, temos a sorte de contar na biblioteca do noso centro con facsímiles fermosísimos de obras da época nos que os alumnos puideron aprezar a riqueza ornamental dalgunhas delas.

En canto á lingua, estudaron o nacemento das distintas linguas romances, no caso da lingua galega analizaron distintos textos que amosan a normalidade coa que se empregaba en todo tipo de documentos (administrativos, xurídicos, científicos…)..

Aprenderon tamén que, aínda que o fondo léxico tanto do castelán como do galego é o latín, hai tamén pegadas árabes ou xermánicas. De feito, unha palabra que define moi ben o que fixemos este último día é de orixe árabe, albaroque (comida coa que se celebra o remate dun traballo ou labor), do árabe Al-buruk. Ao rematar de explicarlles aos pais todo o traballo feito e os porfolios individuais, os nosos alumnos e alumnas tamén gozaron dunha merenda coa familia e profesores.

Así mesmo, houbo tempo para descubrir a que xogaban na época (xadrez, dados…) ou de construír na materia de tecnoloxía unha catapulta, arma empregada nas revoltas irmandiñas para a destrución dos castelos.

Lembremos que o nome do proxecto, Tecendo a historia, fai referencia ao Tapiz de Bayeaux (Francia), lenzo bordado do século XI, que describe os feitos previos á conquista normanda de Inglaterra, considerado, pola disposición e deseño das escenas, como o 1º cómic da historia. É por isto que o “produto final” do proxecto quixo ser algo semellante: ao xeito de tapiz, e de cómic, representa en escenas o aprendido nestes días. 

Esperemos que o tecido ao longo destes días, formase un fermoso tapiz co aprendido.

Begoña Campaña

Faládenos do voso planeta

Publicada en de Publicado en: Noticias

Con motivo do remate do 2º proxecto de 1º de ESO titulado “Crónicas marcianas”, o pasado xoves 4 de decembro celebrouse a Festa de Aprendizaxe, na que participou o alumnado do curso xunto coas súas familias.

Neste proxecto mediado polo profesorado do área de Ciencias matemáticas e tecnoloxía, coa colaboración de outros profesores (titoría, francés, educación física), os alumnos e alumnas tiñan que actuar como seres de Marte, que recibiron a misión de explorar a Terra para ver a súas posibilidades de colonización.

Para elo tiveron que ir describindo o que se atopaban na medida que chegaban a este planeta, a súa atmósfera, a presencia de auga, a composición da Terra e a súa dinámica externa, dende o punto de vista biolóxico, físico, químico e matemático.

Unha vez feita unha brilante exposición por parte dos nosos extraterrestres, tiveron que facer unha crónica que expuxeron en un “Lap book” feito en tecnoloxía, na que resumían todo o proxecto.

Tras el, os familiares tiveron a oportunidade de apreciar o traballo dos seus fillos e fillas, nos “porfolios” onde se recollía o traballo persoal ao longo de este mes, e a súa participación no mesmo, podendo dialogar cos profesores implicados.

Fernando Berridi

Un percorrido pola arquitectura compostelá

Publicada en de Publicado en: Noticias

La semana pasada, dentro del proyecto de artística realizado en 3º ESO, los alumnos realizaron una visita por nuestra hermosa ciudad analizando diferentes fachadas de edificios compostelanos.

Un recorrido por las calles y por el tiempo. Desde el románico, pasando por el gótico o el barroco, por el modernismo hasta llegar al siglo XX… La sociedad cambia y, con ella, la arquitectura.

Tras esta visita conocemos un poco mejor la riqueza arquitectónica de una ciudad como la nuestra que, en muchos casos, se nos presenta como una gran desconocida para los que en ella hacemos vida a diario. ¿Serías capaz de reconocer todos los lugares? ¡Pincha sobre la imagen y descubre cinco de los lugares que visitamos!

Teresa Puy