(Pincha sobre a imaxe para acceder á circular enviada ás familias)
Archivos de Etiquetas: extraescolar
Revisión do listado de estudo
Xa metidos de cheo nun novo trimestre, dispoñémonos a revisar o listado de estudo realizado a comezo do curso. Ao longo destes meses houbo unha serie de modificacións que convén clarificar para evitar malos entendidos. É por iso que ao longo dos vindeiros días, os pais dos alumnos mediopensionistas e externos recibirán unha chamada do centro para revisar se participan do estudo e en qué horario.
A continuación recordamos dito horario, sabendo que a este tempo debe de sumárselle tamén un tempo de traballo persoal na casa en función do alumno e do curso no que se atopa.
Luns, martes e xoves, de 18:30 a 20:00.
Mércores, de 16:30 a 18:00.
Visitas e Talleres
A medida que imos coñecendo o Seminario facémonos conscientes de que a labor educativa que impulsamos dende o centro non se limita o estritamente académico. Xunto ao tempo das clases existen tamén outro tipo de actividades como son as visitas culturais e a exposicións, obras de teatro, clases prácticas e distintos talleres levados a cabo en varias sesións sobre distintas temáticas.
Ao longo destes últimos días, os distintos cursos tiveron ocasión de participar nalgunha das representacións teatrais do Festival Galicreques, en concreto nas de Bala perdida e Macbeth.
Tamén houbo tempo para visitar as exposicións do DOMUND ou do Mestre Mateo, escoitar a Luz Casal no pregón que pronunciou na catedral sobre a labor dos misioneiros ou participar en distintas andainas no Camiño de Santiago e no Lago de Castiñeiras.
Agora mesmo, os alumnos de 4º ESO están a participar nun Taller sobre Drogas e, no segundo trimestre, dará comezo un sobre Educación afectivo-sexual.
De todas estas actividades imos dando conta a través das redes sociais do Seminario. Invitámosvos a mergullarvos nelas, visualizar as fotos e tamén facervos seguidores das nosas actividades.