Archivos de Etiquetas: extraescolar
Acabamos… Comezamos!!
As datas de Entroido marcan o fin da primeira parte da 2ª Avaliación; en breve chegarán ás casas as notas do 2º informe.
Son momentos de disfraces, de comidas, de desfiles, propios duns días de troula antes da recollemento que marcará a Coresma a partires do Mércores de Cinza.
No noso centro intentamos resaltar o aspecto gastronómico que encerra esta época na nosa terra. Por iso, nas últimas xornadas, os distintos alumnos participaron en grupiños en distintos obradoiros de cociña preparando o cocido, as filloas, orellas, rosquiñas, etc. Podedes botar una ollada na galería fotográfica…
Recordemos que o vindeiro mércores, estamos todos convidados a participar na imposición da cinza na Santa Misa presidida polo Sr. Arcebispo na catedral. Será ás 19:30 h., saíndo dende o Seminario coas familias dops internos ás 19:00 h.
O xoves e mailo venres teremos tamén tempo para as celebracións coresmais e, xa durante a fin da semana, a Convivencia trimestral.
Camiño de Santiago. Chegando a Betanzos
O próximo sábado, 17 de decembro, faremos a última das etapas deste ano do camiño inglés cara a Santiago. Será o tramo comprendido entre as vilas de Pontedeume e Betanzos.
Sairemos, coma sempre, ás 8:00 h. do Seminario Menor e voltaremos cara a tardiña, tras celebrala Misa coa comunidade parroquial.
Para anotarse, basta con mandar un correo á seguinte dirección: santiromero@smasuncion.es indicando nome e apelidos.
Non olvidemos levar a comida da etapa e, por se acaso, roupa para cambiarnos. Confiemos en que ese día non nos chova, dado o inverno que estamos tendo, pero nunca se sabe…