Archivos de Etiquetas: semana cultural

Encontro de Antigos Alumnos

Publicada en de Publicado en: Noticias

Preto de un centenar de antigos alumnos do Seminario Menor congregáronse no colexio de Belvís para poñer fin a unha Semana Cultural de San Rosendo cargada de actividades.

Tratouse dun sinxelo encontro para volver a verse as caras os que ao longo destes setenta anos pasaron polas súas aulas. Moitos deles foron no seu día alumnos internos, polo que disfrutaron ao volver a percorrer as habitacións, corredores, capelas, biblioteca e outras tantas salas deste magno edificio que acaba de ser incluído no catálogo de Patrimonio Cultural de Galicia.

A celebración da Santa Misa, na que se tivo un especial recordo de aqueles que xa faleceron, dou paso a unha comida de confraternidade que se prolongou ata media tarde.

A Semana Cultural do Seminario Menor concluíu, pero aínda agardan outras actividades neste mes de marzo, coma a xornada de portas abertas do 19 de marzo que, no pasado ano, congregou a máis de cincocentos visitantes.

Clausura da Semana Cultural de Belvís

Publicada en de Publicado en: Noticias

San Rosendo foi unha das grandes figuras da Galicia do século X. Cun importante papel tamén a nivel político, foi bispo das dioceses de Mondoñedo e Iria Flavia (precursora da sé compostelana) e fundador do mosteiro de Celanova. Numerosas institucións levan o seu nome ou celebran algunha efeméride en torno á súa festa; tal é o caso do Seminario Menor de Santiago.

Con tal emotivo, a comunidade educativa ven celebrando estes días numerosas actividades culturais, académicas e relixiosas. No caso do venres, a profesora Mª. Teresa Amado deleitounos cunha interesante conferencia baixo o título: O Teatro en Grecia, moito máis que un espectáculo.

A celebración da Santa Misa e a comida de confraternidade puxeron o broche de ouro a unha semana que todavía contará co seu epílogo durante a xornada de hoxe; será a quenda do Encontro de Antigos Alumnos  que pasaron por esta institución ao longo dos seus case setenta anos de vida.

O Seminario Menor énchese para ver Dez Negriños

Publicada en de Publicado en: Noticias

Gran éxito de público nas dúas representacións que tiveron lugar no Seminario Menor da obra de Ágatha Christie, Dez Negriños.

Na quenda da mañá, escolares do Juventud, Antón Fraguas e Seminario Menor de Ourense abarrotaron o salón de actos do centro. Outro tanto ocorreu na sesión solidaria da tarde, na que cada un aportaba un quilo de alimentos como entrada simbólica; recolléronse en total preto de 300 quilos.

Durante a xornada, os alumnos do propio centro visitaron outros lugares de Santiago e tiveron un coloquio cos piragüistas Pablo Graña e Noel Domínguez.

No caso de este xoves, toda a mañá estará adicada a afondar no mundo da impresión 3D, antes de dar paso as competicións deportivas. O día concluirá ás 20:00 horas coas I Vésperas de San Rosendo, na Capela Xeral do propio Seminario.

Collendo forza!!!!

Publicada en de Publicado en: Noticias

O Seminario Menor adica a xornada deste mércores ao teatro. Será o propio grupo de teatro do centro o encargado de representar Dez Negriños, unha das obras clave da gran Ágatha Christie.

A sesión da mañá, para escolares, xa ten cuberto o cupo, pero a da tarde sigue aberta para cantos queiran participar. A partires das 18:30, e cun fin solidario, cada entrada consistirá nun quilo de alimentos que despois serán entregados a institucións de caridade da nosa cidade.

A maiores, os alumnos do centro, terán distintas visitas culturais, tanto á Catedral coma ao Museo de Ciencias Naturais da USC. Onte achegáronse tamén ata a Cidade da Cultura para visitar Galicia, un relato no mundo.

A xornada completarase cun coloquio deportivo con Pablo Graña e Noel Domínguez, dous grandes do piragúismo, a partires das 13:00 horas e totalmente de balde.

Inaugurada a Semana Cultural

Publicada en de Publicado en: Noticias

O Seminario Menor da Asunción ven de inaugurar a súa VIII Semana Cultural. Trátase dunha iniciativa coa que queren dar visibilidade a esta institución que leva máis de 60 anos traballando na nosa cidade.

O escritor Neira Cruz, autor de numerosos libros de literatura infantil e xuvenil, foi o encargado de dar o pistoletazo de saída tralas palabras do Sr. Reitor. A conferencia versou sobre a viaxe de Cosme III de Médicis a Compostela, dentro da temática xeral Relatos que marca dita Semana.

Xa pola tarde, Manquiña presentou a súa obra Relatos negros, coa que, dende a vertente humorística, fai un repaso polos misterios da crónica negra de tódolos tempos.

Durante a mañá deste martes, os alumnos do Seminario Menor visitarán a exposición da Cidade da Cultura: Galicia, un relato no mundo. Non será a única exposición que coñezan; eles mesmos prepararon no propio centro outras exposicións inauguradas onte: Agatha Christie, a raíña do crime; Centenario da Revista Nós, relato dunha época e O Camiño Kumano.

Para a tarde estaba preparado un encontro co adestrador do R. C. Deportivo, Fernando Vázquez, antigo alumno do centro. Pero problemas de axenda de última hora impídenlle achegarse no día de hoxe. Queda pendente unha nova data da que daremos conta unha vez concretada.