Category Archives: Noticias

Hoxe martes 24 de febreiro tanto o profesorado coma o alumnado do Seminario menor fixemos a anual saida cultural, ao redor das 9:30 da mañán saimos do colexio en dous autobuses cheos
de alumnos e de incertidumbre polos lugares que íamos visitar. Chegamos á nosa primeira parada O Mosteiro de Carboeiro, edificio románico do s. X constituido nunha pranta de cruz latina, con portadas nos pes e nos límites do transepto, polo exterior observamos as diferencias entre as pedras orixinais conservadas e as restauradas,a continuación, xunto a Xesús e Silvia entramos na igrexa principal no monasterio contemplando o corpo principal con elementos puramente góticos, e a cripta con elementos románicos contextualizando ese momento de transición entre as dúas correntes artísticas.
Continuamos a nosa peregrinaxe cara as Minas de Fontao no concello de Vila de Cruces, alí Chus falounos da historia desta vila e do seu elemento mais importante, o bolframio, este mineral tivo moita representación nos momentos de conflitos bélicos, á súa vez presentounos a Vila, creada en 1958, e tamen a igrexa, modernista ca absida de cristal pola cal observabase o ceo para así poder, según o capellán deses intres, achegar os pregos máis diretamente a Deus.
Na metade da nosa xornada compartimos un momento de tranquilidade e comida na Área recreativa A Carixa na que á súa vez tuvimos un tempo de xogos antes de continuar ca nosa actividade.
Para rematar a nosa xornada, contemplamos a gran labor de Galicia da ganderia e queixeria na Queixeria Verbas en Arzúa, ali Carlos explicounos como cambiou a actividades agraria dende
a antiguidade ata os nosos días e como os animáis teñen incluso mais importancia ca nosa.
Voltamos cara o colexio cunha nova perspectiva da sociedades galega Antiga e actual, así tamen co noso tema principal nesta XIII Semana Cultural, “Os Avós”, cos cales achegamonos a que somos un pobo cunha gran variedade e riqueza cultural.

« ‹ de 17 › »

Jesús Manuel Caamaño Botana

A nosa comunidade educativa viviu hoxe unha xornada moi especial coa inauguración oficial da Semana Cultural, un tempo de encontro, aprendizaxe e celebración das nosas raíces.

Ás 10:00 horas tivo lugar o acto de apertura, que contou coa intervención do Ilmo. Sr. D. José Manuel Taibo García, Reitor do Seminario Menor da Asunción, quen animou ao alumnado a aproveitar estes días como unha oportunidade para medrar non só en coñecementos, senón tamén en valores e identidade.

A continuación celebrouse a conferencia “Un modo de vida, Mel de Galicia”, que contou coa presenza da recoñecida actriz Benedicta Sánchez, protagonista do filme O que arde, dirixido por Óliver Laxe.

O acto estivo presentado por Ester Ordóñez quen pronunciou a conferencia: “Un modo de vida, Mel de Galicia” e que guiou a conversa con proximidade e sensibilidade. A poñente  nos mostrou “Un modo de vida”: O filme que homenaxe á apicultura de Galicia no que participa Benedicta e que ten por fin homenaxear á apicultura como oficio e valorizar un produto de calidade diferenciada como é o Mel de Galicia con IXP.

Durante a súa intervención, Benedicta Sánchez compartiu co alumnado a súa experiencia vital e profesional, ofrecendo un testemuño inspirador sobre a importancia das raíces, da conexión coa terra e do valor da vida sinxela.

Cómpre lembrar que en 2020, con 84 anos, Benedicta Sánchez foi galardoada co Premios Goya á Mellor Actriz Revelación, converténdose na actriz de maior idade en conseguir este recoñecemento nesta categoría.

A conferencia deixou unha profunda pegada entre os asistentes, que puideron coñecer de primeira man unha historia de superación, autenticidade e amor pola nosa cultura.

« ‹ de 4 › »

Ás 14:30 horas tivo lugar a apertura dos museos e das distintas exposicións preparadas con moito esforzo e ilusión por parte do alumnado e das súas familias.

Baixo o título “Como cambiou o traballo dos nosos avós”, puidemos descubrir ferramentas e utensilios empregados en antigos oficios, comprendendo mellor o esforzo e a dedicación que caracterizaban a vida doutras xeracións.

A mostra “Ferramentas e oficios antigos” permitiu achegarnos a profesións tradicionais que forman parte da nosa historia colectiva, mentres que a exposición “As nosas raíces” reuniu fotografías e obxectos achegados polas familias do alumnado, creando un espazo cheo de memoria, emoción e identidade compartida.

« ‹ de 8 › »

Esta primeira xornada da Semana Cultural foi, sen dúbida, un éxito de participación e un fermoso exemplo de comunidade educativa unida arredor da cultura, da tradición e do orgullo polas nosas raíces.

Esta tarde a partir das 16,30 horas, estades todos convidados á celebración da aprendizaxe, onde o alumnado de Secundaria mostrará ás familias e compañeiros todas as actividades realizadas este trimestre nos Proxectos.