Category Archives: Noticias

Os alumnos de 1º e 2º Bacharelato asistiron á charla “Humanidades dixitais”, dentro do programa A Ponte da USC.

A charla foi impartida pola Doutora en  Comunicación e Información Contemporánea, María Tabernero Valcárcel.
A profesora Tabernero tamén é  Licenciada en Humanidades pola Universidade de Santiago de Compostela e ampliou os seus estudos co Máster en Humanidades Dixitais, o Máster en Xestión Cultural e o Máster de Escritura para Televisión e Cinema. Entre as súas liñas de investigación atópanse o xornalismo dixital, New Media Studies e humanidades dixitais no ámbito da comunicación. Conta con experiencia profesional en xornalismo cultural, xestión cultural e xornalismo corporativo. Actualmente pertence ao grupo de investigación Novos Medios da Universidade de Santiago de Compostela e é profesora asociada do Departamento de Comunicación da Universidade de Santiago de Compostela. Moitas grazas por dedicarnos o seu tempo.

Yolanda Gómez.

« ‹ de 4 › »

Este xoves, 27 de marzo, os alumnos de 1º e 2º de bacharelato asistiron á exposición: Crear porvir.75 aniversario da editorial Galaxia, situada na Sede Afundación de Santiago de Compostela. Alí fixeron un percorrido pola historia desta recoñecida editorial, podendo apreciar un amplo catálogo de títulos editados, onde figuran os/as escritores/as máis salientables da nosa literatura. Os alumnos de 2º de bacharelato recordaron a creación desta editorial, explicada recentemente na clase, e valoraron positivamente poder observar as múltiples edicións dos libros, así como autores moi coñecidos da literatura galega: Castelao, Otero Pedrayo, Blanco Amor, Xohana Torres…. entre moitos outros. Os alumnos de 1º tamén desfrutaron desta exposición, onde celebramos os 75 anos de Galaxia.
Susana Ordóñez

Este 25 de marzo, os alumnos de 4º de ESO e 1º de Bacharelato de Economía e emprendemento do Seminario Menor tivemos a sorte de participar nunha charla impartida por Óscar Rodríguez, empresario da empresa galega Espina y Delfín.  Óscar Rodríguez Gutiérrez é o conselleiro delegado de Espina y Delfín, unha empresa galega especializada en infraestruturas do ciclo da auga. Falounos tamén da importancia en Galicia das empresas familiares como a que el dirixe xunto coa súa irmá dende hai máis de 20 anos, que fora fundada polo seu pai nos anos 90 e que traballa en boa parte dos concellos de Galicia.

Baixo o seu liderado, a empresa superou os 50 millóns de euros en facturación, investindo en dixitalización e sustentabilidade. Ademáis, participa en iniciativas de emprendemento e educación empresarial en Galicia entre os máis novos, contribuíndo á formación de futuros líderes e á dinamización da cultura empresarial en Galicia.

Gustounos moito e foi unha actividade moi interesante, sobre todo para alumnos coma min, que pensamos na posibilidade de liderar unha empresa cando sexamos adultos.

Xoel Soto Quintana