O pasado venres, enmarcado nas actividades programadas na noite dos investigadores, os alumnos e alumnas de 3º ESO tivemos unha charla on line que impartía a investigadora Dª. Victoria Besada do Instituto Oceanográfico de Vigo .
Nun primeiro momento falounos da súa traxectoria profesional no Instituto, comezando coma becaria, traballando posteriormente de investigadora ata ser directora do centro por uns anos. Despois comentou as áreas de investigación que levaban a cabo e, en concreto, a súa línea de investigación que trata de estudar os impactos ambientais en ríos e mar de contaminates inorgánicos, e dicir, metais pesados tales coma mercurio, calcio ou plomo.
Mediante o mostreo en lanchas, buques, botellas ou rosetas, recollían auga a diferentes profundidades. Tamén tomaban mostras sedimentais e en organismos mariños coma peixes ou moluscos. O análise posterior das mostras consistía na purificación, separación, identificación e cuantificiación dos contaminantes.
As conclusións obtidas no estudo das diferentes rías da vertente atlántica, sinalaba a industria e a agricultura da zona como as causas predominantes. Era un signo de esperanza que as medidas políticas adoptadas (tratamento de augas residuais, reducción de vertidos ou prohibir as gasolinas con plomo por exemplo) conseguiran paliar os efectos ó longo do tempo.
Finalmente observando todos os profesionais que fan posible todo este traballo, démonos conta que tanto profesionais técnicos con estudos de FP de grado medio ata doutorados tiñan un oco e eran imprescindibles para o bo funcionamento do oceanográfico.
A charla dounos unha perspectiva de para que serven os estudos que estamos a realizar e tamén as posibilidades profesionais que se nos poden abrir no futuro.
María Bandín, coas achegas do alumnado de 3º da ESO.