Archivos de Etiquetas: 4º ESO

Toleando coa Filosofía

Publicada en de Publicado en: Noticias

O pasado xoves día 1 de decembro os alumnos e alumnas de 4º de Secundaria, 1º e 2º de bacharelato asistiron á charla-taller ofrecida polo profesor Dr. Xosé Luís Pastoriza Rozas da facultade de filosofía da USC.

A actividade impártese dentro do programa A Ponte entre ou Ensino Medio e a USC co que o noso centro colabora desde hai algúns anos.

A través dunhas dinámicas activas e xogos, os alumnos desenvolveron as súas competencias de pensamento crítico, a creatividade e o traballo colaborativo. Dunha maneira lúdica e á vez reflexiva, comprenderon o labor da filosofía para enfrontar os retos, desafíos e problemas da vida persoal e colectiva. Ademais demostraron as súas habilidades relacionales, discursivas e de liderado.

Constantino Fuentes

Éxitosa Feira de Nadal

Publicada en de Publicado en: Noticias

Na pasada fin de semana, o Seminario Menor acollía por segundo ano consecutivo unha Feira de Nadal na que participaron distintas asociacións e artesáns.

Algo máis de 40 postos cunha gran variedade de productos e distintas actividades serviron de reclamo para que centos de persoas se achegaran ata a Belvís e puideran coñecer por dentro este magno edificio que nos acolle.

Uns días de convivencia e compartir no que tamén houbo espazo para experiencias solidarias e achega de premios, algúns dos cales nos tocaron de cerca.

Damos grazas aos alumnos de 4º ESO, que estiveron preocupados de endulzar a xornada con chocolate e biscoito; tamén aos alumnos da EFA de Arzúa que se desviviron por facer os contactos e a difusión, e a cantos, a título persoal ou institucional, fixeron posible a celebración desta feira.

Mulleres que crearon pensamento

Publicada en de Publicado en: Noticias

Este venres celébrase o Día Internacional da Eliminación da Violencia contra a Muller, instaurado pola Asamblea Xeral das Nacións Unidas en 1993. 

Coincidindo con esta data, no noso centro desenvólvense varias actividades encadradas nunha tarefa interdisciplinar titulada “Mulleres creadoras de pensamento”.

Na materia de Filosofía, o alumnado de 1º de bacharelato está elaborando un mural no que, a través dunha liña do tempo, reinvindican o importante labor que as mulleres realizaron ao longo da historia no campo do pensamento, labor moitas veces esquecido ou escurecido.

Por outra banda, as alumnas e alumnos de 4º da ESO analizan, a través da figura da escritora Emilia Pardo Bazán, non só a súa literatura, senón tamén o interese que suscitou nela a situación da muller na época. Entre outras iniciativas, dirixiu a colección Biblioteca de la Mujer, desde onde defendeu o dereito á educación das mulleres e criticou ferozmente a indiferenza social ante o que calificaba de  “feminicidios”. De feito, hai unha compilación de relatos da autora titulado El encaje roto. Antología de cuentos de violencia contra las mujeres. 

A investigación, ademais, levounos ata outras autoras, contemporáneas de Pardo Bazán, e a descubrir os atrancos cos que se atopaban: Concepción Arenal, Rosalía de Castro, George Sand, Fernán Caballero, Emily Dickinson…. Algunhas delas incluso tiveron que usar pseudónimos masculinos para que a súa obra fose publicada e tomada en serio, nun momento no que escribir non encaixaba entre os intereses que se atribuían a unha dama.

Begoña Campaña

Cambio climático: mitos, lendas e ciencia

Publicada en de Publicado en: Noticias

Hoxe tivemos a primeira dás cinco charlas temáticas do programa A Ponte que foron concedidas ao noso centro. Nesta actividade o profesorado dá USC imparte charlas sobre contidos do seu ámbito docente achegando así a Universidade ós alumnos de Bacharelato e ESO.

O profesor de Física Aplicada da USC, o Dr. José A. Rodríguez Añón , coordinador do Máster (MERYCSE)  e  do grupo de Investigación NaFoMat, falounos de “Cambio climático. Mitos, lendas e ciencia”.

Vivimos un momento de crisis ecolóxica  no que é necesario actuar de xeito urxente a nivel persoal e institucional. O cambio climático é unha realidade que vai aumentando e que trae asociadas consecuencias mortais para o planeta:  plagas, pandemias, escasez de auga, especies que desaparecen, ondas de calor e de frío, furacáns, aumento de  patóxenos. Xa se detectaron brotes de cólera nas costas de Burela. Problemas de hambruna, maior mortalidade por enfermidades asociadas á contaminación.

Según o estudo “Climate change 2022 summary for policymakers” periga a vida de cinco mil millóns de persoas.

Dialogamos de que, en certo modo, somos un desastre xa que entendemos a magnitude do problema pero non somos conscientes de que hai que actuar, cambiando o noso estilo de vida, e a nosa forma de pensar. Aínda estamos a tempo.

Yolanda Gómez