Este venres estará con nós a Policía Local para disertar sobre unha cuestión que cada vez xurde con máis forza no seo das nosas familias. A petición do carné de conducir, o uso da moto ou do automóbil, os perigos e as posibilidades que ofrece, o consumo irresponsable do alcohol, etcétera, son algunhas das preguntas que sairán a relucir por parte de moitos pais de adolescentes. Agardámosvos!!!
No contexto dos actos da festa de San Martiño de Tours e co gallo da Xornada das Persoas sen Fogar, o Seminario Maior da nosa diocese ven de organizar unha nova edición da Cea Solidaria.
Trátase dunha sinxela cea na que cada comensal aporta 15 euros para que Cáritas diocesana continúe na súa tarefa de coidar e proporcionar recursos ás persoas que se atopan nesta situación. Ademáis, son moitos os comercios e institucións que aportan agasallos que son sorteados durante a velada entre aqueles que desexen mercar as rifas e contribuir tamén, co seu gasto, ao mesmo fin.
Dende o Seminario Menor sempre nos animamos a participar un bo grupiño de profesores, persoal e familias. Dado que as prazas son moitas, pero limitadas, recomendamos anotarse canto antes no seguinte correo: santiromero@smasuncion.es
Tódolos anos, en torno ao terceiro domingo de outubro, a Igrexa celebra a xornada do DOMUND, isto é, o Domingo Mundial de Oración polas Misións.
Co desexo de afondar un pouco máis esta realidade, o Seminario Menor ven de organizar unha serie de actividades destinadas a este fin dende una triple perspectiva:
Coñecer o traballo levado a cabo polos misioneiros espallados por todo o mundo. Para iso, o delegado diocesano de misións, d. David Álvarez, achegouse a compartir una xornada connosco e falarnos da súa experiencia en Perú. A ela sumaránse tamén outra serie de testimonios que poderemos escoitar estos días.
Orar polo froito de todo este traballo no que a pedra angular é o anuncio do Evanxeo. Para tal fin, durante estes días iniciarémo-las nosas clases coa oración propia desta xornada misioneira e pregaremos nas celebracións da Eucaristía.
Axudar económicamente a que toda esta laboura de tipo social promovida polos misioneiros poda seguir manténdose e fortalecéndose. Con tal motivo, cada un de nós aportará o que boamente poda nos sobres distribuidos ao longo destes días.
Acaba de abrirse o prazo para a solicitude das becas, tanto de Bacharelato como de Necesidades Específicas de Apoio Educativo.
Pódense consultar no seguinte enlace: https://www.mecd.gob.es/servicios-al-ciudadano-mecd/catalogo/educacion/estudiantes/becas-ayudas/para-estudiar/bachillerato/becas-generales-no-universitarias.html
