O pasado xoves, poucos días despois da súa consagración, o Seminario Menor tivo a sorte de poder acoller a visita de D. Jesús, o novo bispo auxiliar.
No salón de actos atopouse primeiro cos alumnos dos distintos cursos, que lle presentaron brevemente a historia desta institución e lle fixeron diversas preguntas sobre a súa vida e o seu ministerio. De seguido desprazouse ata a sala de avaliacións para estar en privado co equipo de profesores e formadores.
Acompañado polo señor reitor, visitou as diversas capelas, biblioteca, zona de habitacións, museos, etc. O momento central da xornada estivo na celebración da Eucaristía con tódolos seminaristas internos, aos que despois saudou persoalmente no comedor. Renovámoslle a nosa invitación a que sinta esta casa como súa e se faga presente nela cantas veces queira.
