O próximo luns día 11 de setembro dará comezo o novo curso no noso Colexio Seminario.
A grande novidade deste Curso 2023-2024 será a distribución horaria, que queda da seguinte maneira: de luns a venres de nove da mañá a dúas e media e o luns tamén teremos dúas clases entre as catro e media e as seis e dez da tarde.
Igualmente, contaremos con actividades diversas polas tardes que se irán comunicando conforme se vaian pechando. Con seguridade seguiremos contando coa posibilidade de quedar a estudo de luns a xoves.
O horario do 1º día do curso, ao que as familias están convidadas, será o seguinte: ás nove o alumnado estará na súa aula para pasar lista, acompañados do titor do curso irán ao Salón de Actos no que se nos dará a benvida e quedará inaugurado o curso por parte do noso Arcebispo don Francisco. Logo cada curso irá á súa aula acompañado do titor para tratar dos horarios, materias, normas e demais asuntos do interese do alumnado ao comezo de curso. Logo do descanso, entre as once e media e as doce, celebraremos a Eucaristía de inicio de curso que presidirá o Sr. Reitor don Manuel. A xornada rematará en torno ás dúas da tarde para o alumnado. As familias están convocadas a unha reunión ás catro e media da tarde cos titores dos distintos cursos. O martes día doce ás nove xa teremos o horario oficial.