Os alumnos e alumnas do primeiro ciclo de Secundaria do Seminario Menor da Asunción, asistiron o martes 16 de maio ao Evento ObraAberto que organizou o CAB Obradoiro de baloncesto para conmemorar o Día das Letras Galegas. No acto ao que asistiron moitos centros educativos da cidade, os nosos alumnos representados por Laura e Sara participaron nun preguntadoiro no que tiñan que responder a un test de preguntas sobre cultura xeral das letras galegas. Ademais participaron nunha competición de tiros a canastra cos xogadores do primeiro equipo da ACB.
Ao terminar todos os nosos alumnos recibiron un diploma conmemorativo e unha entrada para o último partido da tempada na Caldeira de Sar. Unha divertida xornada onde se mesturaron deporte e cultura. TODOS XUNTOS OBRA!