Archivos de Etiquetas: 2º ESO

Banco de libros. Fondo solidario de libros de texto

Publicada en de Publicado en: Noticias

O Seminario Menor da Asunción dispón dun fondo de libros de texto creado a partir das aportacións voluntarias das familias e de aqueles libros adquiridos mediante axuda das administracións.

Nas actuales circunstancias, o centro pode garantir o acceso a un elevado número de libros para os seus alumnos, tendo sempre preferencia aquelas familias que aportaron a dito fondo. Nalgúns cursos incluso a totalidade de alumnos podería acceder a todos os libros necesarios (a excepción, lóxicamente, dos cuadernillos de traballo).

O reparto dos libros terá lugar na primeira semana do curso académico, podendo tamén mercar na librería do propio Seminario o material restante.

Agradecemos dende aquí as diversas aportacións, pois supoñen un importante aforro nas economías familiares e apelamos tamén ao coidado do material de cara a poder seguir garantindo este servizo.

 

Curso de Verán

Publicada en de Publicado en: Noticias

LO SENTIMOS MUCHO, PERO ESTE AÑO, DEBIDO A LAS ESPECIALES CIRCUNSTANCIAS PROVOCADAS POR EL COVID 19, NO SE LLEVARÁ A CABO NUESTRO TRADICIONAL CURSO DE VERANO. NO OBSTANTE, LOS PROFESORES SEGUIRÁN A DISPOSICIÓN DE NUESTRO ALUMNADO DURANTE EL MES DE AGOSTO, VÍA TELEMÁTICA.

El Curso de Verano es una iniciativa del Seminario Menor que pretende ayudar a los alumnos tanto del propio Seminario como de otros centros a preparar las asignaturas de las cuales deberán examinarse en septiembre o también aquellas en las que necesitan un especial refuerzo.

Puedes acceder a una información más completa pinchando aquí.

Calendario de Fin de Curso

Publicada en de Publicado en: Circulares

Noutras circunstancias, posiblemente nos tiveramos atopado ao longo destes días con motivo do final do curso. Segundo o calendario inicial, fai unhas semanas teriamos o Acto de Gradación dos alumnos de Bacharelato e nesta mesma mañá clausurariamos o curso cunha mención especial aos alumnos de 4º ESO. Non puido ser… Aínda así, a vida continúa e os trámites propios do final do trimestre tamén. Por iso, consideramos importante que tomen nota das seguintes datas e prazos:

  • Luns 22 de xuño: Avaliación ordinaria dos alumnos de ESO e 1º BACH. Ao longo desa tarde serán publicadas as notas a través do XADE e do Educamos, polo que lles rogamos estean atentos.
  • Martes 23 de xuño. De 9:00 a 13:00 os profesores estarán a súa disposición por se precisan comentar algunha nota[1].
  • Xoves 25 e venres 26 de xuño. De 9:00 a 13:00 poderán acudir ao centro para a devolución dos libros de préstamo[2] e recoller os materiais e pertenzas que podan ter aquí a día de hoxe.
  • 25 de xuño ao 3 de xullo. Prazo de matrícula para aqueles alumnos que teñan todo aprobado en xuño[3].

Aproveitamos tamén a ocasión para recordarlles que a Secretaría do Centro seguirá aberta para atendelos en horario de mañá ao longo de todo o período estival. No caso do profesorado, seguimos todos a súa disposición durante o mes de xuño e a partires do 3 de agosto para reforzo, consultas e resolución de dúbidas. Se ben é certo que non podemos asegurar a presencialidade doutros anos no Curso de Verán, tamén o é a nosa aposta por unha atención personalizada dos nosos alumnos.

[1] Pregamos que aquelas persoas que desexen acudir ao centro sexan respectuosas coas medidas sanitarias e as limitacións de aforo.

[2] Deberanse entregar os libros prestados polo centro ao comezo do curso e aqueles adquiridos por medio do cheque escolar.

[3] Recorden que a matrícula é o paso seguinte á reserva de praza (que é o tramite que xa fixeron nos meses pasados).

 

Actividades na distancia… A loita contra a enfermidade que partiu de Galicia

Publicada en de Publicado en: Noticias

O pasado 12 de maio celebrouse o Día Internacional da Enfermería e, con ese pretexto, os alumnos de 2º e 3º da ESO fixeron un pequeno traballo de investigación co que homenaxear e lembrar o labor do persoal sanitario. E fixérono a través da literatura, tomando como referente a novela Os nenos da varíola, de María Solar, na que se conta un dos feitos máis importantes da historia da medicina: a “Real Expedición Filantrópica da Vacina” de 1803.

O 28 de febreiro deste curso, os dous grupos acudiron ao teatro para ver a adaptación dramática da novela que previamente xa leran algúns deles, os de 3º da ESO. Meses despois, volvemos sobre esta novela porque neste momento de pandemia mundial pode resultar unha ferramenta didáctica útil para entender mellor o que hoxe está pasando.

Apoiándose tanto nos coñecementos extraídos da lectura da novela como de varios artigos da páxina web GCIENCIA, foron descubrindo qué son as vacinas, o porqué do propio nome “vacina”, cal foi a 1ª vacina da historia, como é hoxe en día o proceso para validar unha vacina, como científicos de todo o mundo están traballando para descubrir unha vacina contra o COVID-19, en que punto se atopan esas investigacións en Galicia, etc.

Ao mesmo tempo, coñeceron a historia de dúas mulleres fundamentais na historia da enfermería mundial: Florence Nightingale, inglesa precursora da enfermería profesional moderna, inspiración para o fundador da Cruz Vermella, e Isabel Zendal, a reitora do hospicio da Coruña, e membro da Real Expedición Filantrópica da Vacina, declarada pola OMS a primeira enfermeira da historia en misión internacional.

Begoña Campaña