Archivos de Etiquetas: letras

Estamos na Semana das Letras e, se a situación fose outra, estariamos celebrando múltiples actividades destinadas a afondar na figura do homenaxeado este ano co Día das Letras Galegas, o filólogo e escritor Ricardo Carvalho Calero. Aínda que a Real Academia Galega acordou, ante a situación provocada pola pandemia da COVID-19, trasladar a celebración do domingo 17 de maio ao sábado 31 de outubro, son moitas as voces que están pedindo que se prolongue a homenaxe durante o ano 2021. Desde logo, a entidade da figura de Carvalho Calero merece unha celebración á súa medida. 

Á espera de poder vernos e celebrar actos conxuntos para celebrar as Letras Galegas como fixemos todos os anos, os nosos alumnos están a traballar cun montón de recursos cos que aprender, xogar e  investigar sobre o autor. No noso blog de lectura xente lendo podedes acceder a eles e participar se vos presta.

Begoña Campaña